Sää´mtee´ǧǧ õhttvuõ´tte leä´p vuâđđe´mmen nuõrisuåvtõõzz. Puõ´tti suåvtõõzz vääžnai tuâjjan lij ooudâsviikkâd sää´mnuõri ǩiõll’laž da kulttuursaž vuõiggâdvuõđid di ravveed sää´mnuõri identteet nuõrituâj pääi´ǩ. Lââ´ssen suåvtõs puätt valmštõõllâd tõid sää´mtee´ǧǧ maadârdõõzzid, alttõõzzid, ceâlkõõlmid da jee´res peä´lestvälddmõõžžid, kook kuâ´sǩǩe sää´mnuõrid.

Suåvtõ´sse puä´đet va´lljeed vitt vä´lddveârlaž vuässla di si´jjid juâkkse´žže jiijjâs vää´rrvuässla. Vuässla â´lǥǥe lee´d 18-25-âkksa oddel sää´mnuõr. Suåvtõõzz vuässla jiâ taarbâž lee´d sää´mtee´ǧǧ vuässla, ij-ǥa see´st taarbâš jälsted sää´mvuu´dest. Sää´mǩiõll jie´nnǩiõllân i´lla še viâlt’te´mesvuõtt, leša sää´mǩiõl silttumuš lij ǩeâittamnallšem lokku välddmõš. Nuõrisuåvtõõzz va´lljumuužžâst puä´đet vä´ldded lokku, što vuässla ee´ttǩâ´stte pirr sää´mvuu´d di jee´res ǩiõllä´rttlid.

Nuõrisuåvtõõzz vuõssprojeekt tuâjjä´rttel tuejjad õõutsââ´jest nuõripiizzrin sää´mtee´ǧǧ halltõ´sse e´tǩǩõõzz va´lljumu´šše puõ´tti vuässlain, da loopplaž tu´mmstõõǥǥ tuejjad sää´mtee´ǧǧ sååbbar. Va´lljuum nuõrisuåvtõõzz vuässla va´lljee vitt 15-17-âkksa ä´šštobddivuässla. Täk ä´šštobddivuässla vuässâ´tte pukid puõ´tti suåvtõõzz såbbrid. Haa´lemmen vuei´ttve´ted e´tǩǩeed še ä´šštobddivuässlaid, leša e´tǩǩõõzz sää´mtee´ǧǧ halltõ´sse sij va´lljumuužžâst tuejjad vuõss’sâjjsânji va´lljuum nuõrisuåvtõs.

Nuõrisuåvtõ´sse suåppi 18-25-âkksa oddel sää´mnuõr da vuäittmõõžži mie´ldd še ä´šštobddivuässli´žžen suåppi 15-17-âkksaid nuõrid vuäitt e´tǩǩeed nuõripiizar Siltala Niinže. E´tǩǩõõzz vuâđđjurddjineez â´lǧǧe vuõltteed vue´lnn åårrai ne´ttåpåå´štaddrõ´sse le´be påå´štaddrõ´sse piâtnâc rosttovmannu 17. peei´v 2010 mõõnee´st čiâss 16 räjja.

Lââ´ssteâđaid vuäǯǯve´ted vuâllaǩee´rtee´jest.

Tiõrv’vuõđin Niina Siltala, nuõripiizar

Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.

Lehtolantie 1

998700 Inari

gsm 0503825179