Sää´m ǩiõlltuâjj –cistt jue´jjet vuõssmõs vuâra da Sää´mtee´ǧǧ sää´m ǩiõllsuåvtõs lij miõttâm ǩiõlltuâjj –ciist Meä´cchalltõ´sse.

Sää´m ǩiõlltuâjj –ciistin uu´det tobdstõs sää´mǩiõllsai kääzzkõõzzi da sää´mǩiõl staattuuzz ooudâsviikkâm peä´lest tuejjuum o´nnstemnallšem tuâjast Lää´ddjânnmest. Sää´m ǩiõlltuâjj –cistt lij sää´m ǩiõtt-tuâjj (duodji) da diplom. Cistt ǩeeiǥeet sää´mkulttuur suõ´jjõs Lää´ddjânnmest –seminaar poodd Levist piâtnâc čiâss 12.00

-Tuäivam ciist sme´llkâ´stted Meä´cchalltõõzz juä´tǩǩed sää´mǩiõl staattuuzz ooudâsviikkmõõžž õhttsažkåå´ddest da sme´llkâ´stted peä´lstes še jee´res ve´rǧǧnee´ǩǩid pue´reed jiijjâz sää´mǩiõllsaid kääzzkõõzzeez, särnn ǩiõllsuåvtõõzz saaǥǥjåå´đteei Erkki Lumisalmi.

Sää´mǩiõllsilttee´ji personkå´ddha´ŋǩǩumuužžid – pii´jee´l sää´mǩiõl silttumuš vee´rjhååid oudldõssân le´be pue´rrvuõttân – vuei´tet pue´reed måå´ǩǩtõõlǩani jiijjâsǩiõllsai kääzzkõõzzid. Sää´mǩiõli puõ´ttiääi´j staanumuužž diõtt lij vääžnai, što sää´mǩiõllsai kääzzkõõzzin tuejjeed luâđlaž, kuõ´stti da põõšši vuä´ss ve´rǧǧne´ǩǩtuåimjumuužžin, kääzzkõõzzin da personkå´ddha´ŋǩǩumuužžin.

Sää´mtee´ǧǧ vuâđđjurddi

Sää´mtee´ǧǧ miõlâst Meä´cchalltõs lij o´nnstemnallše´ld čõõđtam sää´m ǩiõll'lää´jj õõlǥtõõzzid da ooudâsviikkâm sää´mǩiõl staattuuzz säi´mmsakkuumuužžstes, ä´ššlažkääzzkõõzzstes da teâđtemtuåimmjumuužžstes. Ve´rǧǧneǩǩ kääzzkõõzz liâ čõõđtum čuu´t jiânnai ǩe´rjjlânji; Meä´cchalltõs tarjjad näkkmi ä´ššlažkääzzkõõzzi lââ´ssen še sää´mǩiõllsa kääzzkõõzzid. Tõt lij pa´lǩǩääm sää´mǩiõllsa teâđteei.

Sää´mtee´ǧǧ miõlâst Meä´cchalltõs lij tuåimmjam juurdlânji sää´mkulttuur ä´rbbvuõtt’teâđ ruõkkâm diõtt sää´mǩiõllsai pääi´ǩnõõmi noorrâm- da čõõđtemtuåimmjumuužžineez. Sij čõõđtem čiõlǥtõs Nuõrti-Aanar sää´mǩiõllsai pääi´ǩnõõmin lij spesialnalla vääžnai nuõrttsää´m- da aanarsää´m ǩiõli kulttuursaž luõttu kuulli teâđ seillmu´šše.

Sää´mte´ǧǧ tuäivv, što ciist mie´ldd Meä´cchalltõs ǩiččlââtt pue´reed veâl jäänab jeärben aanar- da nuõrttsää´mǩiõllsai kääzzkõõzzeez tuejjee´l tõin bie´ǩǩ Meä´cchalltõõzz jeärben luânddlaž tuåimmjumuuž.

Cistt lij sää´m ǩiõtt-tuâj – duodji

Sää´m ǩiõlltuâjj – cistt sää´m ǩiõtt-tuâjj (duodji), koon valmšteei lij va´lljääm Sami Duodji ry. Cistt lij ǩiõtt-tuâjj, sue´jj pää´ǩǩest valmštum kää´rr da tõn lij valmštam duojár, lehtor Ilmari Laiti Aanrest.

Gielladahku | Kielâtaho | Ǩiõlltuâjj | Kieliteko diplomi 2010 (PDF)
Gielladahku | Kieliteko vuođuštusat | vuáđustâsah | vuâđđjurddi | perustelut (PDF)
Gielladahku | Kielâtaho | ǩiõlltuâjj | Kieliteko. Gárri | Kääri | Kää´rr | Kaara (PDF)

Lââ´ssteâđaid: ǩiõllstaanpiizar Siiri Jomppanen. te´lf. 010 839 3111, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.