Sää´mtee´ǧǧ saaǥǥjåå´đteei Klemetti Näkkäläjäu´rr maainsti sää´m pannmateriaalaž kult-tuurpreeddan suejjeem vue´jjest Lää´ddjânnmest da sää´mtee´ǧǧ kõskksaž õhttsâžtuâjast. Saaǥǥjåå´đteei Näkkäläjäu´rr låppii nânsab õhttsažtuâj sää´m meerlažõhttsažkoo´ddin sää´mkulttuur staattuuzz pue´reem diõtt.” Mij, Sää´mtee´ǧǧ da čeä´ppnee´ǩǩin da ǩiõtt-tuâjain õõlǥči õhtteed viõǥǥeez õhttsaž sää´mkultturpolitiiklaž prograamm tuejjumu´šše. Sää´mtee´ǧǧ reäšš ǩeâđđa 2011 õhttsažsåbbar saa´mi kulttur- da čeäppõsorganisatiaivui´m. Såbbrest lij jorddmõš õõutsââ´jest valmštõõllâd maadârdõõzzid sää´mkulttuur suej pue´reem diõtt. Sää´mkulttuur suej pue´rumuš õõlǥat lââ´ss resuurzzid da vuõiggâdvuõđnallšem suej ooudâsviikkmõõžž.

 

Sää´m-mu´zei Siida, saa´mi meersažmu´zei, jåå´đteei Tarmo Jomppanen ǩiõtt’tõõli mainnsest, koon son õõ´ni sää´m materialaž kultturpreeddan suejjeem taarbid. ”Mu´zeituåimmjumuužž da saa´mi materialaž kulttuursaž suej ooudâsviikkâm staanumuššân Lää´ddjânnam mu´zeei´jin åårrai sää´mnorldõõǥǥ õõlǥči vuäǯǯad sää´mõhttsažkåå´dd kääzzkõ´sse da norldõõǥǥ õõlǥči vuäǯǯad õlmmsest čuä´jtõ´sse. Puõ´tti halltõspâjja âlgg piijjâd täävtõssân Sää´m-mu´zei Siida veeidõs da veeidõõzz teäggtem staanumuš.”

 

Sámi Duodji ry:z saaǥǥjåå´đteei Rauna Triumf maainsti sää´m ǩiõtt-tuâj kulttuursaž miârkkšõõvvmõõžžâst da sää´m ǩiõtt-tuâj tuä´rjjeemtaarbin. ”Duodji lij jie´llemvue´ǩǩ, bie´ǩǩ saa´mi sosiaalaž riâššmõõžž, koin šõõddet da mättjet. Duodji lij saa´mi õhttsaž jeällmõš da tõt pohtt õlmmsa sää´mkulttuur obbvääldlaž jorddmõõžž, ko´st puk vaaikat pukid.Tuõttää´ššest Sámi Duodji staattus i´llakku do´volna šiõǥǥ škoou´l’jumuužžâst da õhttsažkåå´ddest. Sámi Duodji staanumuš ouddlâstt lââ´zz resuurzzid da ǩiõtt-tuâj škoou´l’jumuužž õõudâsviikkmõõžž saa´mi vue´lǧǧemaalǥi pääi´ǩ. Lââ´ssen haa´lääm spä´ssbõõžžâd sää´mtee´ǧǧ da sää´mtee´ǧǧ saaǥǥjåå´đteei Sámi Duodji taarbi lokku välddmõõžžâst”. J

 

oikaaja, sää´mtee´ǧǧ halltõõzz vuässlaž Petra Magga-Vars maainsti juõ´ǥi vääžnaivuõđâst saa´nin di juõi´ǥin: ” Juõi´kk čuä´jad da pohtt õlmmsa sää´mkulttuur. Juõi´ǥ sää´n tobdstâ´tte pääi´klažkulttuur õlmmsa pohttmõ´šše da mätt’te vuei´nned pue´rben juõi´ǥ mie´ldd maaddârpuärr-si tuâl’jõž histoor. Juõi´ǥ staattus i´llakku Lää´ddjânnmest veâl ri´jttjemnalla tobddum. Juõi´kk taarbâš jäänab tuä´rjjõõzz, resuurzzi ouddmõõžžid da kuâsttjemvuõđ pirr Lää´ddjânnam. Škooulin õõlǥči vä´ldded juõi´kk bie´ǩǩen mätt’templaanid, tännalla juõi´ǥin vuäʒʒat luânddlaž vuä´ss pirr õhttsažkåå´dd”.

 

Seminaar vuõlttii ra´vves saaǥǥ mätt’tõs- da kultturministeria beälla, sää´mtegga da sää´mvuu´d škoou´ljemkõõskõ´sse sää´m ǩiõtt-tuâj mätt’tem ooudâsviikkâmtaarbin. Sää´mvuu´d škoou´l’jemkõõskõõzz sää´m ǩiõtt-tuâj mätt’tumuš ij kääzzkââst sää´mkulttuur taarbid, tõ´nt ko mätt’tumuš tuejjeed lää´dd kulttuur vue´lǧǧemaalǥin. Seminaar tuõđi, što škooul mätt’tumuš âlgg mu´tted nu´tt, što škoou´l’jumuš paaimat še sää´mnuõrid.

 

Kultturminister Wallin vuõlttii ǩe´rjjlaž tiõrvtõõzz seminaa´re. Ǩe´rddemtuâjjcõgstõõttmõš cõõggi kulttur- da sporttministeer Levi mää´tǩ . Minister Wallin peäggti, što son teâtt Lää´ddjânnmest jäls-tee´jen ruõccǩiõll ooumžen, mõõnn tobddsaž tobddmõš lij jie´lled ǩiõllminoriteettest. Jiijjan tuâkk-sa toobdee´l vuäitam puârast tie´tted, mä´htt tij tobddve´ted ko peälšte´ped vuõiggâdvuõđeed. Mi-nister Wallin ǩee´rjti, što lij rämm miõlâst tõ´st, što sää´mnuõr liâ nu´tt oddel sää´mkulttuur kâddmõõžžâst da ooudâsviikkmõõžžâst. ”Halltõõzz puõ´tti ee´jj mä´hssemplaanmaadârdõ´sse šâ´dde lee´d vääžnai ä´ššen še sää´mǩiõllsa mätt’tem-materialmie´rrtie´ǧǧi pââ´jdumuš. Lââ´zztõõz-zin peäggtet, što sää´mǩiõllsai mätt’tem-materialmie´rrtie´ǧǧin âlgg tillõõvted do´volna teä´ǧǧvää´raid še nuõrttsää´m da aanarsää´mǩiõllsai mätt’temǩee´rjid. Wallin ǩee´rjti

 

Lââ´ssteâđaid:

saaǥǥjåå´đteei Näkkäläjärvi (050-5242109)

Seminaar saaǥǥjåå´đteei Aslak Paltto (+358405620354)