Sää´mǩiõl konttâr joortõskääzzkõõzzi hââ´dd kaggâ´tte Sää´mtee´ǧǧ sää´mǩiõl konttâr (mââibeä´lnn ǩiõllkoontâr) kääzzkõsmääus kaggâ´tte 1.1.2011 ää´ljee´l. Joortõskääzzkõõzzi määusaid pââ´jtet 45 eeu´rest 65 eurra. Joortõskääzzkõõzz

Ǩiõllkoontâr u´vddum joortõõzzâst pe´rrjet pä´lǩǩõõzz lää´ddǩiõlâst sää´mǩiõ´lle le´be nu´bioori 65 eu´rred seeidast 2000 miârkkad, koozz jiâ kuul kõskkmiârk. Ǩiõllkonttâr jee´res kääzzkõõzz liâ tu´lǩǩeemkääzzkõõzz da jee´res ǩiõll'laž kääzzkõõzz. Kääzzkõsmääusaid leät kaggum oou´dab vuâra ee´jjest 2005. Tää´rǩab čiõlǥtõs kääzzkõõzzi mä´hssemvuõđâst käunnje tä´st: Joortõskääzzkõõzz

- Ǩiõllkoontâr jåårǥlâtt vä´lddää´ššest ä´ššǩe´rjj’joortõõzzid, särnn ǩiõllstaanpiizar Siiri Jomppanen. Freelanc –jåårǥlõõ´tti â´nne huõl tääu´jmõsân kuu´ǩǩab joortõstee´kstin, mâ´te mooččâdǩe´rjjlažvuõđ da teâttǩe´rjjlažvuõđ tee´kstin da mätt’tem-materiaalin, juätkk Jomppanen.

Ǩiõllkoontâr âânn huõl šiõttõstee´ksti jåårǥlâ´ttmõõžžâst sää´mǩiõlid. Jiânnai jåårǥlââ´ttet såbbar ä´ššǩee´rjid mâ´te sååbbarkåččmõõžžid, ä´ššliistid, på´rddǩee´rjid, mainnsid, plaanid da mä´hssemplaanid. Jee´res jåårǥlâ´ttem ä´ššǩee´rj liâ ve´rǧǧnee´ǩǩi blaaŋk da čõõđtõõzzid, i´lmmtõõzzid, kuultõõzzid da teâđtõõzzid. Lââ´ssen jåårǥlââ´ttet ve´rǧǧneǩǩtu´mmstõõǥǥid, låå´ppaa´ššid, mâ´te pirrõsteknlaž ä´ššǩee´rjid di brosyyrid, kõõlbid, säi´mmseiddõõzzid da åskldõ´ǩǩe kuulli tee´kstid, mâ´te mo´lidvaid. Ǩiõllkoontâr reäšš õ´htte joortõstuåimmjumuužžid da, te´l ko ǩiõllkonttâr joortõsvue´jj nårrje, ti´lljeei vuä´pstet vä´ldded õhttvuõđ freelanc-jåårǥlõõ´ttjid.

Ǩiõllkoontâr âânn loǥstõõǥǥ tõin sää´mǩiõl jåårǥlõõ´ttjin da tuulkin, kook liâ ouddam låå´v õhttvuõtt-teâđeez čõõđtumu´šše. Sij õhttvuõtt-teâđ käunnje še Sää´mtee´ǧǧ dommseeidast addrõõzzâst www.samediggi.fi - Dokumeent – Jåårǥlõõ´tti da tuulk.

Vuä´nkânji sää´mǩiõl konttrest

Sää´mtee´ǧǧ sää´mǩiõl koontâr čõõđat sää´m ǩiõll'lää´jj da –asetõõzz mie´lddsaid tuâjaid. Ǩiõllkoontâr âânn huõl lää´jjest jurddum joortõõzzi tuåimmtumuužžâst jee´res ve´rǧǧnee´ǩǩid da stroittli´d, veä´ǩǩad nåkkam sää´mǩiõllčie´ppi ha´ŋǩǩumuužžâst mâ´te tuulki di jee´res sää´m ǩiõll'lää´jjest jurddum tuâjain. Ǩiõllkonttâr tuåimmjumuš aa´lji ee´jjest 1992 te´l ko sää´m ǩiõll'lää´ǩǩ šõõddi viõ´ǩǩe. Te´l kue´htt vuõssmõš ǩiõlljåårǥlõõ´tti alttee jåårǥlâ´ttemtuâjaid ee´jjest 1992.

Lââ´ssteâđaid: ǩiõllstaanpiizar Siiri Jomppanen. te´lf 010 839 3111, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.