Akwé:Kon vuä´ppõõzz liâ primmum biodiversiteettsuåppmõõžž 5. vuä´ssbie´llsåbbrest. Akwé:Kon –vuä´ppõõzz liâ vuõss-sââ´jest mõõntõõllâmvue´ǩǩ le´be prosess, koon pääi´ǩ staaneet saa´mi vaikktem-vuäittmõõžžid håidd- da ââ´nnemplaan raajjmõõžžâst da ooʒʒât kuånstid, kooi pääi´ǩ ǩiõldlaž vaikktõõz-zid sää´mkulttuu´re vuei´tet tue´ll’jed. Sää´mtee´ǧǧ teâđai mie´ldd Meä´cchalltõs lij vuä´ppõõzzi suåvvtumuužžâst vuõssmõs ve´rǧǧneǩ obb maai´lm mettkää´vest.  

Nõõmtum tuâjjä´rttel valmštââll

Sää´mte´ǧǧ da Meä´cchalltõs liâ puättam saaǥǥstõõllmõõžžeez mie´ldd tõõzz, što nõõmtum tuâjjä´rttel valmštââll Akwé:Kon –vuä´ppõõzzi suåvvtumuužž Pää´nntuõddâr poostaivuu´d håidd- da ââ´nnemplaan raajjmõõžžâst. Sää´mtee´ǧǧ halltõs lij nõõmtam tuâjjä´rttel da tõn leät tiuddääm paalǥâskoo´ddi võboršee´ǩǩiin. Tuâjjä´rttel saaǥǥjåå´đtee´jen tuåimmai Heikki Paltto da jee´res vuässla liâ Juhani Läns-man, Bigga-Helena Magga, Nina Maarit West da Inga-Briitta Magga di puäʒʒee´žžed: Jouni Lukkari (Pää´nntuõddâr), Harri Hirvasvuopio (Sää´mjânnam paalǥâskå´dd), Nils-Heikki Näkkäläjärvi (Sallivää´rr).Tuâjjä´rttel saaǥǥjåå´đteei Heikki Paltto åskk, što tät lij šiõǥǥ vue´ǩǩ aa´šši plaanumuužžâst.

 Akwe:Kon tuâjjä´rttel saaǥǥjåå´đteei Heikki Paltto da Meä´cchalltõõzz spesialplaanraajj’ji Juha Sihvo

- Tät oudd pääiklaž oummid vuäittmõõžžid tõõzz, što si´jjid puä´đet kuullâd. Mõõntõõllâmvue´ǩǩ põhtt nääi´t luâđlaž o´nnstemvuõđ plaanumu´šše, Paltto tuâtt.  

Vaikktõõzzid sää´mkulttuu´re ärvvtõõlât obb plaaneemproseezz ääi´j

Me´äcchalltõs haa´lad vä´ldded saa´mi kulttuur ââ´nnem oudldõõzzid lokku, nu´tt puârast ko vuäitt. - Pää´nntuõddâr håidd- da ââ´nnemplaantuâjast vuä´ppõõzzi te´sttumuš lij Meä challtõ´sse vääžnai. Pri´meârlaž jeä´rdõs äiggsab plaantuõjju lij tõt, što ärvtõõllmõõžž tuejjeet čõõđ ääi´j plaanproseezz äi´ǧǧen, te´l ääi´jben ärvvtõ´lleš tå´lǩ vaalmâš plaan vaikktõõzzid sää´mkulttuu´re, vu´vddšurr Elina Stolt maainâst. Saa´mi vuõiggâdvuõttstaattuuzz da saa´mi dommvuu´d mäddââ´nnem ooudâsviikkmõ´šše Akwé:Kon –vuä´ppõõzzin lij šiõǥǥ vaikktõs. - Te´l ko Pää´nntuõddâr håidd- da ââ´nnemplaan valmštõõllmõš o´nnast puârast, Akwé:Kon –vuä´ppõõzzi suåvvtumuš vuei´tet vä´ldded bie´ǩǩen jee´res håi´dd da ââ´nnemplaaneem raajjmõõžž da še luâđree´ǧǧesvuõttplaani raajjmõ´šše, sää´mtee´ǧǧ saaǥǥjåå´đteei Näkkäläjäu´rr smeâtt. 

Pää´nntuõddâr håidd- da ââ´nnemplaan ta´rǩǩeem valmstõõllmõš peštt tän ee´jj da taarbše´mmen tuâi jue´tǩet veâl puõ´tti ee´jj. Jiõččvääldlaž vuä´ppõõzz liâ nõõmtum tõõi obbvääldlaž luând čiõlggǩiõlin mohawk ǩiõl õõlmtumuužžin Akvé:Kon, kåå´tt miârkksââvv tõn, što puk mii lij jânnamkåå´ddest.  

Lââ´ssteâđaid:

Vu´vddšurr Elina Stolt, Meä´cchalltõs, 0400 398 983

Saaǥǥjåå´đteei Klemetti Näkkäläjärvi, Sää´mte´ǧǧ, 050 524 2109

Artiik 8(j) tiu´ddepiijjmõš

Akwé:Kon ohjeiden suomennos