SÄÄ´MKULTTURKÕÕSKÕÕZZ SÄÄ´VESǨ-ǨE´RJJÕÕZZ PLAANÂMǨEŠTÕÕTT |
![]() |
![]() |
Plaanâmǩeâštõõttmõõžž mie´rren lij kaunnâd sää´mkultturkõõskõs Sajosse vue´ǩǩsõs da mooččâd, põrtte suåppi uniikk paneelsää´vesǩ aaunâsǩe´rjjõs, kåå´tt pohtt põõrt siisǩpeä´lla jii´jjesnallšemvuõđ da čõõđad snäätnaivuõđ. Sä´vsǩid taarbšet vuõ´ss-sââjest koontârpaaiǩin.
Ǩeâštõõttmõš lij ju´rddum vuõss-sââjest tekstiil - le´be graaflaž plaanmõõžž siltteei oummid, leša še jeärraz vuäitte vuä´ssõõttâd ǩeâštõõttmõžže. Vuä´ssõõtti ferttai kuuitaǥ täärǩelt vä´ldded lokku ǩeâštõõttâmtuõjju pijjum tekniklaž õõlǥtõõzzid, tõn diõtt ko täävtõzzân lij raajjâd sä´vsǩid vuõiǧǧest lå´nstum tuâjai vuâđalt.
SÄÄ´MKULTTURKÕÕSKÕÕZZ ČUÄJTÕÕLLMÕŠ
Aanar ceerkavsiid Juutuajooǥǥ riddu tuejjeemnalla šõddi sää´mkulttuurkõõskõ´sse šâ´dde tuåimmpääi´ǩ Sää´mtegga, sää´mkulttuu´re kuulli määŋgpeällsa tuåimmjumu´šše di sää´m mätt’tõs da tu´tǩǩeemtuåimmjumu´šše. Lââ´ssen põõrt vääžnmõs pääi´ǩ liâ määŋgtuåimm- da kääzzkâ´sttempääi´ǩ pirr juâkkõõttâm õhttsažpääi´ǩ: Čuäjtõõllâm-, sååbbar- da määŋgtuåimmpääi´ǩ di restrantt. Õhttsažpaai´ǩi âânnmõš lij vääžnai vuä´ss puk tän kulttuurkõõskõõzz tuåimmjumuužžin.
Sää´mkulttuurkõõskõõzz vä´lddposttše´ǩǩen tuåimmai Sää´mte´ǧǧ, kåå´tt vuåkrai ooudâs paai´ǩid jee´res õõ´nnjid. Sää´mvuu´d škoou´l’jemkõõskõs lij Sää´mtee´ǧǧ kuâŋŋad põõrt nu´bb vä´lddõõ´nni. Jee´res põõrt õõ´nni liâ Aanar kåå´dd ǩe´rjjpõõrt-tuåimm, Sámi Duodji ry (sää´mǩiõtt-tuâjjlai seä´rvv), SámiSoster ry (saa´mi sosial- da tiõrvâsvuõttvuu´d seä´rvv), Sää´mjânnam läänhalltõs, Sää´markiiv da restrantt. Lââ´sstiâtt sää´mkultturkõõskõs Sajos toimmjemju´rddjest lij tän ǩeâštõõttâmǩee´rj looppâst di kõõskõõzz dommseeidain, a´ddrõõssâst www.sajos.fi.
PÕRTTKÄU´NN- DA TEKSTIILPLAANMÕÕŽŽ TUÂKKAŽ
Sää´mkultturkõõskõõzz arkkitehtplaanmõõžžâst västteei arkkitehtkoontâr Halo Arkkitehdit Oy lij raajjâm kultturkõõskõõzz pååđpõrttkäu´nn- da tekstiilplaanmõõžž. Tekstiilplaanmõõžž vuâđalt õõnnji e´tǩǩeeiji õhttsažtuâjjorgaan lij tu´mmääm riâššad pukid äävai åårai plaanâmǩeâštõõttmõõžž paneelsä´vsǩi ǩe´rjjõõzz plaanmõžže sää´mkultturkõõskõs Sajosse. Sää´mkultturkõõskõõzz koontârlõõnjid di kõõskõzze šõddi Sää´mvuu´d škoou´l’jemkõõskõõzz klasslõõnjid šâdde paneelsää´vesǩ kooumǩeârddsen. Õhtt paneelsää´vesǩ lij luâđviõlggâd, ââzzte´mez sue´ǧǧnallšem aaunâs, da nu´bb õõuteu´nnsaž ju´na okra, ââ´leǩ, ruõpssâd le´be ruânn. Kuä´lmeen paneelsä´vsǩen šâdd lee´d ns. printtǩe´rjjuum paneelsää´vesǩ koonn ǩe´rjjõõzz tän ǩeâštõõttmõõžžâšt ooccât.
PLAANÂMNALLA ÅÅRAI ǨE´RJJÕS
Paneelsää´vesǩ šâdde lee´d kuei´t šoora, meettai mie´ldd 600 mm x 2 390 mm da 600 mm x 2 090 mm. Printtsää´vesǩ ferttai lee´d čappâd- viõlggâd-rää´nes-eunnsaž. Vuâđđaaunâs lij sää´vesǩaunnâstoimteejest, sue´ǧǧnallšem, viõlggâdvuâđlaž, printtmõžže suåppi aaunâs.
PLAANÂMǨEŠTÕÕTTMÕÕŽŽ ŠEÂTTMÕÕŽŽ
1. Printtsää´vesǩ plaanâmǩeâštõõttmõõžž mie´rren lij kaunnâd sää´mkultturkõõskõs Sajos koontârpaaiǩi da klasslõõnji i´kknid šõddi sä´vsǩi ǩe´rjjõs (ns. printtǩe´rjjõs ), kåå´tt suei´mkrâstt kõskkõõzz miârktõõzz da luândd.
2. Ǩeâštõõttmõõžž riâššjen toimmai Sää´mte´ǧǧ.
3. Ǩeâštõõttmõš lij pukid äävai. Ǩeâštõõttmõõžž cisttlu´vddkåå´dd vuä´ssla jie vueit vuä´ssõõttâd ǩeâštõõttmõžže.
4. Ǩeâštõõttâmäi´ǧǧ lij 20.2.2011 – 31.3.2011. Ǩeâštõõttmõõžž e´tǩǩõõzz ferttje lee´d kuåsttuum digitaalnallšen ruõkkum 31.3.2011 čiâss 16.00 mõõnee´st šeâttmõõžži 6. pääi´ǩest ciõlkkum a´ddrõozzâst. Maŋŋa mie´rrääi´j kuåsttuum e´tǩǩõõzzid jeät valddu lokku.
5. Maacctemnalla åårai ä´ššǩeerj E´tǩǩum ǩe´rjjõs tuåimtet ǩeâštõõttmõõžž riâššja påå´štt mie´ldd liâdggååblga ruõkkum CD le´be DVD- bliine le´be mošttsä´gga. Ruõkkâmneä´vv vuäǯǯ tuõ´lljed se´st tå´lǩ kue´htt teâttõõzz, kook tuõ´llje se´st õõudpeä´lnn peäggtum kuei´t šoora paneelsä´vsǩi printteemteâttõõzzid mettkää´vest 1:1. E´tǩǩõõzz raajj’ ji nõmm-miârkk ferttai lee´d ǩe´rjtum teâttõõzzi nõõmâst di ruõkkâmneä´vvast. Priimum ruõkkâmååb´leǩ lie .bmp, .tiff, .png da .pdf. Cisttlu´vddkå´dd ärvstââll e´tǩǩõõzzid A3 šoorain printteemteâttõõzzin printtuum čä´ppâdviõlggâdpriintin. Priinti tekniklaž šlaajj lij ärvstõõllâmvuâđđ, ǥu täävtõssân lij vuõiǧǧest čõõđted sä´vsǩid printtuum teâttõõzzin.
6. Plaanâmtuâj påå´štt’ tumuš Ruõkkâmneä´vv mie´ldd vuõltteet e´tǩǩõõzz raajj’ji nõmm da õhttvuõtt-teâđ ǩidd pijjum čõõđkue´stǩani konfeârt se´st. Konfeârt õõl mie´rǩkeet e´tǩkõõzz raajj’ji nõmm-miârkk. Ruõkkmõõžž da ǩidd pijjum konfeârt vuõltteet addrõ´sse Saamelaiskäräjät, Angelintie 696, 99870 Inari. Konfeârte mie´rǩǩeet tiõtt ”Printtǩeâštõõttmõš ”. CD- le´be DVD-bliin le´be mošttsää´ǧǧ õõl mie´rǩǩeet ǩeâštõõttmõõžž e´tǩǩeei nõmm-miârkk (ij tuõtt nõõm). Seämma nõmm-miârk ferttai mie´rǩǩeed še ǩidd pijjum konfeârt õõl. Paa´rtite´mvuõđ staannâm diõtt ǩidd pijjum konfeârtest åårai vuä´ssõõtti õhttvuõtt-teâd ääveet ärvstõõllmõõžž poottmõõžž da ǩeâštõõttmõõžž loppšõddmõõžž šiõlggnem maŋŋa. Jee´resnalla tuåimtum e´tǩǩõõzzid hiâlǥeet. Tå´lǩ põmmâi õõl pirstum vuõsspirstõõzz da/ le´be ij-teä´ddmõžže vaalmâš pohttmõõžžid hiâlǥeet , tålǩǩ digitaalaž, teä´ddmõžže vaalmâš aunnsid vää´ldet ärsvtõõllâmnalla.
7. Personteâđaid ǩiõtt’tõõlât tå´lǩ ǩeâštõõttâmpoodd, tõi´d jeät u´vddu õõudas.
8. Ǩeâštõõttmõžže vuäitt vuä´ssõõttâd mäŋggsab ko õõutin e´tǩǩõõzzin, leša jue´ǩǩ ǩe´rjjõõzz printteemaunstõõzz ferttai lee´d jea´rben cd- le´be dvd-bliinâst le´be mošttsää´ǧǧest, håt-i tõid vuäitt vuõltteed seämma konfeârtâst .
9. Ǩe´rjjõzze pijjum õõlǥtõõzz
a. Ǩe´rjjõõzz vuäitt raajjâd pirstõõzzâst, snimldõõǥǥâst le´be ko´st täättas. Ǩe´rjjõs vuäitt lee´d taaujâs le´be õhttnaž, poka loopplaž pohttmõõžž lie u´vddum sää´vesǩmeettai šoora.
b. Ǩe´rjjõõzz plaanâmǩeâštõõttmõõžžin ooccât Sää´mkultturkõõskõzze suåppi ǩe´rjjõõzz , kos´t očndâtte kultturkõõskõõzz - kulttuur ju´rddemvuâđ da miârkkšõõvvmõõžž, - sä´mmla jii´jjesnalšemvuõđ, - sää´mvuu´d luâđ - tuåimmjumuužž diõtt rajjum imago (sä´mmlaž , ä´rbbvuâđlaž, aktiivlaž, puõ´tti äi´gga ǩiõčči da õhttsažkåå´ddlaž. Õhttsaž nõõmteejen lij ”puu´ttes da jielli sää´mkulttur ”).
c. Ǩe´rjjõõzz symboliikk ij taarbâš vuâđđõõttâd, leša tõn vuäitt tuejjeed, jos plaaneei nu´t haalad. Vuâđđõõttmõš ij vaaikâd kuuitaǥ cisttlu´vddkåå´dd loopplaž tumstõǩǩe.
d. Plaaneei ferttai plaanâd õõut (1) ǩe´rjjõõzz, ko´st liâdgglaž ååblga lie ruõkkum kue´ htt printteemteâttõõzz nu´t, što nuu´bb ferttai suåppâd 600 mm x 2090 mm da nuu´bb 600 mm x 2390 mm õlljid paneelsä´vsǩid.
10. Cisttlu´vddkå´dd
a. Ǩeâštõõttmõõžž cisttlu´vddkå´dden toimmai da tõn pohttmõõžž rä´tǩkad Sajos kõskkpoddsaž õhtsažtuâ´jjorgaan, ko´st lie vo´boršeǩken puk Sajos põõžži õõnniorganisaatia e´tǩǩeei tiuddum Halo Arkkitehdit Oy e´tǩǩeejin. Õhtsažtuâ´jjorgaan vuä´ssla lie : Liisa Holmberg, Aune Musta, Erkki Sirniö, Vuokko Joki, Rauna Rahko, Ristenrauna Magga, Kari Torikka da Jouko Lappalainen.
b. Cisttlu´vddkåå´dd piizzren toimmje projeektšuu´rmõs Juha Guttorm da projeektplaaneei Marja Männistö.
c. Cisttlu´vddkå´dd vuäitt taarb mie´ldd ââ´nned tuâjstes ä´šštobddjid.
11. Ärvstõõllmõš Ǩeâštõõttmõõžž e´tǩǩõõzzid ärvstõõlât nõõmtemen. Cisttlu´vddkå´dd va´lljad kue´htt (2) ǩe´rjjõzze pijjum õõlǥtõõzzid pue´rmõsan tiuddi ǩe´rjjõse´tǩǩõõzzid lå´nstemnalla. Cisttlu´vddkåå´ddest lij vuõiggâdvuõtt hiâlǥeed pukid e´tǩǩõõzzid le´be lå´nsted tå´lǩ õhtt tuâjj.
12. Ciist E´tǩǩõõzzi lå´nstemhâdd lij 500 eurred tuâj õõl.
13. Ǩeâštõõttmõõžž riâšši vuä´ǯǯ pukid vuõiggâdvuõđid lå´nstemnalla åårai e´tǩǩõõzzid. Riâššjest lij še vuõiggâdvuõtt mu´tted e´tǩǩõõzz plaaneei loo´vin le´be lee´d âânǩani ǩe´rjjõõzz.
14. Ǩeâštõõttmõõžž mååžna kuõskki kõjldõõzzid västtad sää´mkultturkõõskõshanǩǩõõzz projektplaaneei Marja Männistö, tel. 050- 3641 378 da ne´ttpåå´št Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.
Õhttõõzz: Sää´mkultturkõõskõõzz tekstiilplaanâmvuõ´ssčuäjtõõzz
Sää´mkulttuurkõõskõõzz jurddân lij raajjâd saa´mid pue´rab ouldõõzzid jii´jjesnallšee´l ââ´nned da ooudâsviikkâd ǩiõles, kulttuures da jie´llemvue´ǩǩtuejjumuužžâs di håiddad da ooudâsviikkâd kulttuurjiõččvaaldšemes di staannâd saa´mi takai jie´llemvue´jji šõddmõõžžid. Lââ´ssen kõõskõõzz jurddân lij pue´reed še vuäittmõõžžid liâvted da vuäǯǯad teâđaid saa´min vuõssnaroodân.
Sää´mkulttuurkõõskõs lij vuõss’sââjest ju´rddum saa´mi jii´jjes ââ´nnem diõtt. Tõ´st lij mie´rr šõddâd Lää´ddjânnam saa´mi jii´jjesvaaldšem di jie´lli da ooudâsmõõnni sää´mkulttuur symbool, koonn vääžmõsssân tuåimmjee´es ju´rddân lij ââ´nned huõl ä´rbbvuõttân seillam kulttuurest da ooudâsviikkâd da oođeed saa´m õhttsažkå´ddjie´llem.
Čiõlgguum vä´lddveârlažmeä´r kuâŋŋad kulttuurkõõskõs ta´rjjad šõõrab, ođđäiggsai da tää´zzõõlǥtem õhttsažââ´nnempaai´ǩi (sååbbar-, auditoria-, määŋgtuåimm- da čuäjtõõttâmpaaiǩi di studiapääi´ǩ) diõtt šiõǥǥ vuäittmõõžž riâššât o´dinakainallšem pirrõõžžâst määŋgnallšem såbbrid, konfereensid da jee´resnallšem pooddid.
Sää´mkulttuurkõõskõs lij tännalla seämmaäiggsânji Lää´ddjânnam saa´mi parlamenttpõrtt da kulttur-, škoou´l’jumuužž- da siltteemkõõskuum da še riõššum pooddipõrtt jee´resnallšem såbbrineez, musiikk-, jie´llikartt- da tea´tterčuäjtõõzziineez. Nu´bb nobba luämmlõõžžee´l täk vuä´sstuåim tue´rjjee nuu´bbeez sii´sǩe´ld da pääi´ǩineez.
Kulttuurkõõskõõzz tuejjad da vuä´mast Senaatt-ǩiiddõs da tõn bruttošorrõs lij nu´tt 4 800 m². Raajjâmha´ŋǩǩõõzz teä´ǧǧââ´nnemarvvlõs lij nu´tt 12 miljoon eu´rred, ko´st EU-teäggtõõzz vuässõs lij 5 miljoon eu´rred. Kulttuurkõõskõõzz tuejjumuš älgg ǩeâđđa 2010 da tõt õõlǥči valmštõõvvâd ee´jj 2012 aalǥ räjja mõõnee´st.
|
|
Viimeksi päivitetty ( 14.04.2011 ) |