Saa´mi ǩiõtt-tuâjjä´rbbvuõđ, kook liâ luâđree´ǥǥesvuõđi mie´ldd šõddi di tän mie´ldd vääžnai aunnâz. Luâđree´ǧǧesvuõđid kuõskki ä´rbbvuâlaž teâđ staaneem diõtt Meä´cchalltõs oudd takai dääram vuõiggâdvuõđid vä´ldded valdia määddast ǩiõtt-tuâjai aunnsen u´cc meä´rid puåjjuid, lie´ppid, sue´jjid da suu´vid. Lââ´ssen vuäǯǯ vä´ldded u´cc meä´rid vuäddsid, vue´ddid, kaammisuei´nid, šiõǥǥhajjsaž duuhhsuei´nid, ä´rbbteâđai mie´ldd suei´nn lij pââ´zztum Nijdd Märjja da poorrâmraa´zzid. Takai vä´lddemvuõiggâdvuõtt ij kuõsk meermie´ccid da luâttmuõrrkarddsid, ij-ǥa ni aunnsen šõddi o´đđestkaaupšumuš leäkku soovšum.

Kõskksi välddmõ´šše uu´det pååđloo´vid, kook liâ määu´ste´mes låå´v da paa´ǩǩi välddmõ´šše uu´det loo´vid, kook â´lǧǧe mä´hssed.

Näkkam jurddi liâ rajjum sää´mtee´ǧǧin jeâllum saaǥǥstõõllmõõžži mie´ldd. Jurddi vuâđđâ´vve biodiversiteettsuåppmõõžž 8 j aartiikli´žže, kåå´tt õõlǥat valdiaid suõ´jjeet vuõssnaroodi ä´rbbvuâlaž teâđaid da Meä´cchalltõõzzlää´jj 4 §:f, kåå´tt õõlǥat Meä´cchalltõõzz staanâd sää´mkulttuur ââ´nnem oudldõõzzid. Jurddi lij staannâm vä´lddjåå´đteei Jyrki Kangas 20.1.2011.

Kõskksi vä´lddemloo´vid uu´det juõ´ǩǩsâjja valdia määddaid, tå´lǩ muõrrǩee´ddid da måttmid jee´rab mäddka´rtte raajin meârkkuum vuu´did.Vuä´ppõs lij valddum ââ´nnem vuâlla saa´mi dommvuu´dest.

Lââ´ssteâđaid: Saaǥǥjåå´đteei Klemetti Näkkäläjärvi