Sääʹmnuõri čeäʹppvuõđpeiʹvv riâžžât Uccjokknjääʹlm škooulâst 31.3. Čeäʹppvuõđpeivva lie iʹlmmtõõttâm õhttseʹžže nuʹtt 330 päärnžed da nuõrrâd jeeʹres åʹrnn Sääʹmvuuʹd. Pleässjemjoouk lie iʹlmmtõõttâm 14, koin lie õhttseʹžže 99 pleässjeejed. Lââʹssen oummu puäʹtte ǩiõččâd šõddmõõžž, de pääiʹǩ âʹlnn lie nuʹtt nelljčueʹđ ooumžed.

Čeäʹppvuõđpeeiʹv väʹlddteeʹmman lij pleässjumuš väʹlddkåådlaž Nuõrr Kulttur –teeʹmm diõtt. Nuõrr kulttur –meärrõõzzi mieʹldd pleässjemšlaai lie ânnʼjõžtaʹnss, uuʹlectaaʹns (show, street, break dno.), etnla taaʹns, balett leʹbe jazz-/showtaʹnss. Sääʹmnuõri čeäʹppvuõđpeeiʹvest vueiʹnet ânnʼjõžtaaʹns, uuʹlectaaʹns da etnlaž taaʹnsid.

Uccjooǥǥ čeäʹppvuõđpeeiʹvest riâžžât še jeeʹresnallšem tuâjjpõõrtid. Tuâjjpõõrti teeʹmman lie kreevsõs tuâjjstõõllmõš, silbbǩiõtt-tuâi, snimldõk-ǩiõttʼtõõllmõš, musikk da sääʹmpihttâz.

Čeäʹppvuõđpeiʹvv älgg tuâjjpõõrtivuiʹm juʹn ååuʹc ääiʹj, leâʹša taʹnssprogramm älgg čiâss 12 Uccjokknjääʹlm škooul juhllkueʹrncest. Ärvstõõllʼjen tuåimma čuäʹjtõõlli/oʹhjjei Ebba Joks Taarrâst da läullai Tiina Sanila-Aikio Čeʹvetjääuʹrest. Pleässjemjooukin vaʹlljeet õõut joouk, kååʹtt vuâlgg eeʹtǩǩed sääʹmnuõrid väʹlddkåådlaž Nuõrr kulttur MOVES -šõddmõʹšše, kååʹtt lij 20.-22.5. Oulust.

Lââʹssteâđaid oudd Sääʹmteeʹǧǧ nuõripiizar Niina Siltala, teʹl. 010-839 3134.

Tiõrv pueʹttem Sääʹmnuõri čeäʹppvuõđpeivva neljdpeeiʹv 31.3.2011!