| Bohccostallit –joouk spä´ssbõ´šše Oulust |
|
|
|
Sää´mnuõrid ee´ttkâ´sttam Bohccostallit –joukk vuâǯǯai spä´ssbõõžžid da cisttpeäggtõõzz Oulust vä´lddkåådlaž MOVES – tanssärvvtõõllmõõžžâst 20.-22.5. oddlõs čuä´jtõõzzineez “Njuovvan” (puõccu ähttmõš). Ärvvtõõllmõ´šše vuä´ssõ´tte pâ´jjel 1100 nuõrrâd da škooulne´ǩǩed 126 jooukâst, koin ´vvel vue´llškooul kolmm niõđ da ne´llj ååumpäärna le´jje nuõrmõõzz.
Joouk vuä´psteei, u´čtee´l Bigga-Helena Magga da Rauna Mätäsaho le´jje kuärǥas da valddum jooukâs o´nnstem diõtt. Tanss šõõddi jakutialaž Sykkys –tanssjoouk čuä´jtõõzzâst Ijahis Idja –pooddâst Aanrest 2010.
Oulu ärvvtõõllmõ´šše vuässõ´tte še ´vvel lookkjiškooul Villasat –joukk taansineez Doaivut da vuoimmehuvvat (Tuäiv da pe´ttõõttmõõžž). Joouk vitt niõđ le´jje jiõčč tuejjääm koreograaf tanss- da čuä´jldemu´čtee´l Teija Sonkkila veä´ǩǩvuõđin, kåå´tt tuåimmji še joouk vuä´pstee´jen. Taans jurdd vuâđđââvv jie´llika´rtte Kautokeino tuärr, ko´st čuä´jtõõzz tue´ǩǩen čuõjjâm Mari Boine musikk leäi lai´nnjum. Niõđi u´čtee´l Marjaana Aikio leäi kuärram voddõõttâmpihttsid, kook le´jje fijnnâz da eunnai.
Domoi vue´lǧǧmen Sunna Nousuniemi, Inga-Saara Magga, Rauna Mätäsaho, Nette Pulkkinen, Bigga-Helena Magga, Maria Saijets, Gabriela Satokangas da Ellenoora Haataja;
Sandra Salminen, Jan-Kristian Magga, Vilho-Simon Mäkinen, Lassi-Olavi Mäkinen, Ida Grönmo da Fasku-Oskal Magga.
Snimldõõǥǥâst liâ meädda lookkjiškooulneǩ Anne Olli di vuä´psteei Marjaana Aikio da Teija Sonkkila. Snimldõk Anni Näkkäläjärvi. |
|
| Viimeksi päivitetty ( 26.05.2011 ) |
