Škoouʹlʼjem- da mätt’temaaunâsluʹvddkåʹdd |
![]() |
![]() |
Škoouʹlʼjem- da mätt’temaaunâsluʹvddkåʹdd lij sääʹmteeʹǧǧ škoouʹlʼjempolitiikklaž čuäjtõõzzi, aalǥtõõzzi, ceâlklmi da beäʹlestväʹlddmuužži valmštõõlli da sääʹmǩiõllsa mätt’temaunnâz plaanumuužžâst, valmšteʹmest da jueʹǩǩmest vaʹstteei organ.
Luʹvddkååʹdd tuâjjân lij ooudâsviikkâd sääʹm-mättʹtõõđji vuõiggâdvuõđid jieʹnnǩiõl da jiiʹjjesǩiõllsa mättʼtõʹsse da sääʹm-mättʹtõõzz stattuuzz Lääʹddjânnam škoouʹlriâššmõõžžâst. Tõt tuejjad saaʹmi mättʼtõõzz kuõskki vooudlaž, naroodlaž da tâʹvvjânnamlaž õhttsažtuâi. Luʹvddkåʹdd tuʹmmai valdia mä ʹhssemplaanâst (väʹlddklass 29, mättʹtõsministeria) sääʹmǩiõllsa mätt’temaunnâz da sääʹm-mättʼtõõzz õõudâsviikkmõʹšše čuäʹjtum valdiaveäʹǩǩvuõđ ââʹnnmest. Tõt valmštââll sääʹmteeʹǧǧ såbbra mätt’temaaunâspuuʹttʼtõõzz godovai da kuuʹǩǩab ääiʹj plaan da oudd piirieeʹjji sääʹmteeʹǧǧ såbbra da mättʼtõshalltõʹsse čiõlǥtõõzz tõn poddsaž mätt’temaunnsin da valdiaveäʹǩǩvuõđ ââʹnnmest.
Luʹvddkåʹdd vaʹsttad tän lââʹssen Sääʹmnuõri čeäʹppvuõttpeeiʹvest, kååʹtt lij piirieeʹjji õhttsažtuâjast saaʹmi dommvuuʹd kooʹddi- da sääʹmseäʹrvivuiʹm rajjum päärnai da nuõri čeäʹpp- da kulttuurǩiõčlmõš.
Škoouʹlʼjem- da mättʼtemaaunâskoontâr valmštââll da peejj tuåimmu aaʹššid, koid luʹvddkåʹdd ǩiõttʼtââll. Luʹvddkååʹdd čiõʹlǧǧeejen tuåimmje škoouʹlʼjempiizar (škoouʹlʼjempolitiikklaž ääʹšš), mätt’temaaunâspiizar (mätt’temaaunâsääʹšš) da mätt’temaaunâsplaaneei (Sääʹmnuõri čeäʹppvuõttpeiʹvv).
Škoouʹlʼjem- da mätt’temaaunâsluʹvddkådda koʹlle eeʹjjin 2008-2011 täk-aa vuässla:
Vuässla: Yrjö Musta, sj. Rauni Äärelä, vsj. Inker-Ánne Magga Asla Järvensivu Aslak Holmberg Seija Sivertsen Liisa Holmberg
Vääʹrrvuässla: Teija Linnanmäki Anna-Liisa Väyrynen Maarit magga Kati Eriksen Pirjo Länsman-Kiimalainen Terhi Harju Outi Länsman |
|
Viimeksi päivitetty ( 01.10.2014 ) |