Markkânistemtooi¬mah vuáđuduveh ellee já rievtis sämikulttuurân. Sää´mjânnam lett miõtti Sää´mtegga EU-vu´vddooudâsviikkâmfoondâst teäggtõõzz pie´llne´bee´jj pi´štti markknâ´sttemha´ŋǩǩõ´sse. Ha´ŋǩǩõõzz õhttsažtuâjjsǩeâppar liâ Aanar kå´dd, Siida, Sää´mvuu´d škoou´l’jemkõõskõs di 15 vuu´d tu´ri´smmpõrǧǧi.

Ha´ŋǩǩõõzz vä´lddtäävtõssân lij ooudâsviikkâd da raajjâd tuåimmjem-mall sää´mkultturkõõskõs Sajos jäärnâǩtuejjumu´šše. Sååbbarprograamm viiǥǥât ooudâs nu´tt, što tuåimmjumuš äu´ǩǩad da vuäll eža kookkas obb sää´mjânnam pirr. Ha´ŋǩǩõõzz täävtõssân lij viikkâd ooudâs še ođđ sää´mteemmlažšõddmõõžžid noorõõttâmpooddid, tõ´nt ko noorõõttmõõžžin lij positiivlaž vaikktõs vuu´d jie´llemvue´jjtuejjumu´šše da jie´llemåårmõõžžid. Ha´ŋǩǩõõzzâst sme´llkâ´ttet kulttur- da luâtt-tu´rii´smâst persteei persoonid riõmmâd põrggjen da kääzzkõõzzi spraavdõõttjen Sajo´sse puõ´tti ää´ššlažjooukid. Markknâ´sttemtuåimmen liâ jm. põõrǥâstu´ri´smme kuulli messu, veä´lkõs kaaupšumuš, tobddõõttâm-maa´tǩi riâššmõš di sosiaalaž media.

Sää´mvuu´d viiǥǥât meeraikõskksaž kongressää´ššlai tie´ttemvuõ´tte määŋgpeällsi´žžen da nåkam miârkksõõvvi sååbbarpäi´ǩǩen, kåå´tt lij jee´resnallšem.”Aanra puä´tte tõk põrggâz da organisatiad, kook haa´lee noorõõttâmpooddâst jeänab, ko joukktu´ri´smmpääi´ǩ le´be pue´rben sää´mkulttuur da o´dinakaivuõđ luâđ tuåimmjeei kääzzkõõzzivui´m”, särnn ha´ŋǩǩõõzz jåå´đtee´jen va´lljuum aanarneǩ, šâddvuõđstes nuõrttsä´mmlaž Marja Männistö.

Sää´mkultturkõõskõs Sajos valmštââvv ođđee´jjmannust 2012 Aanar ceerkavsi´jdde, luâđes beä´lnn jii´jjesnallšem Aanarjääu´r riddu. Sajos sâdd lee´d sää´m ä´rbbvuõ´tte vuâđđõõvvi kulttur-, vaaldšem-, škoou´l´jem- da siltteemkõõskõs di määŋgåå´blkaž nõõrõõttâmpõrtt. Sää´mkultturkõõskõõzzâst ta´rjjeet sää´mkulttur- da siltteempirrõõzzâst õlltää´zz mie´lddsaid sååbbar-, čuä´jtem- da škoou´l´jempaai´ǩid ođđäiggsaž av-puu´t’temneävveezvui´m di reäšš noorõõttmõõžžid kulttuur slävvjee´l õhttsažtuâjast jee´res tuåimmjee´jivui´m da säi´mmõõđee´l meersânji di meeraikõõsǩeld. Sajoozzâst liâ noorõõttâmpääi´ǩ 500 persoon noorõõttâmpooddid.

_ _ _

Lââ´ssteâđaid oudd Sää´mkultturkõõskõõzz markknâ´sttemha´ŋǩǩõõzz projektšuurmõs Marja Männistö, ne´ttpåå´št: Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , te´lfon 010 839 3109.

Aanar ceerkavsi´jdde raajjâm vue´lnn åårrai sää´mkultturkõõskõs Sajos šâdd lee´d Lää´ddjânnam saa´mi vaaldšem da kulttuur kõõskõs. Sää´mkultturkõõskõõzz jurddân lij raajjâd saa´mid pue´rab oudldõõžžid da jiijjâsmääi´nlânji ooudâsjuä´tǩǩed da viikkâd ooudâs sää´mǩiõles, sää´mkulttuures da jie´llemvue´ǩǩtuejjumuužžes di håiddad da viikkâd ooudâs kulttur-jiijjâsvaaldšemvuõđes di tuärjjeed saa´mi takai jie´llemåårrmõõžži ooudâsviikkmõõžž. Kult-turkõõskõs pue´rad še vuäittmõõžžid liâvvted teâđaid saa´min, kook liâ alggmeeran. Sää´mkultturkõõskõs Sajoozz raajjmõ´šše lij miõttum 5 miljoon eu´rred Euroop unioon vu´vddooudâsviikkâmfoond vaa´rid