| Vuõiggâdvuõttminister Henriksson: pukid sää´mpäärnaid vuäittmõ jiijjâz ǩiõl mätttõ´sse |
|
|
|
"Ǩiõl jeälltumu´šše kuulli tuåimin âlgg ââ´nned miõlâst, što saa´mi vuâđđlää´jjla vuõiggâdvuõtt jiijjâz ǩiõ´lle da kulttuu´re kuâskk obb jânnam. Jiijjâsnallšem lokku välddmõš âlgg mu´štted da piijjâd tõõzz, što pukin sää´mpäärnain lij vuäittmõš mättjed ǩiõ´les da kulttuures pirr obb vä´lddkåå´dd vuu´dest. Vuõiggâdvuõttminister Anna-Maja Henriksson muštt’tii mainstemvuârstes sää´m da maorǩiõl jeälltemseminaarâst 13.09. väänmõš tarbb lij raajjâd põõšši tuåimmjem-mall sää´mǩiõli jeälltumuu diõtt.
Sää´mǩiõl jeälltumuuâst leät vuõǯǯum šiõǥǥ tobddmõõid päärnai ǩiõllpie´zzin da jee´res ǩiõ´lle kuõskki ha´ŋǩǩõõzzin. Minister peäggti mainstemvuârstes Aanarsää´mǩiõl jeälltumuu puârast o´nnstam-mainnâz, koon ǩiõlljeälltemseminaarâst mainsti Marja-Liisa Olthuis.
- Jåå´ttmen åårrai sää´mǩiõl jeälltemprograamm tuåimin âlgg vuäǯǯad kookkaskuõ´ddi da pi´štti suejj puki koolm Lää´ddjânnmest mainstum sää´mǩiõli peä´lest, tuõtti minister. – Sää´mǩiõl jeälltemprograamm tuåimi čõõđtumuuâst mie´rǩǩeed teâtt še halltõsprogra´mme, da tuåimid âlgg ä´lǧǧed mâŋŋa prograamm priimm´mõõâst, vuäittmooi mie´ldd åå´nǩâni.
Looǥǥ vuõiggâdvuõttminister Anna-Maja Henriksson mainnâz, sää´mtee´ǧǧ riâššâm sää´m da maorǩiõli jeälltemseminaarâst He´lssnest 13.09.2011 obbvuõđstes tä´st.
Vaaldšemšuurmõs Juha Guttorm, lää´jjšeâttmõõjåå´đteei Sami Manninen, sää´mtee´ǧǧ halltõõzz vuä´ssla Petra Magga-Vars, saaǥǥjåå´đteei Klemetti Näkkäläjäu´rr, vuõiggâdvuõttminister Anna-Maja Henriksson di halltõõzz vuä´ssla Anu Avaskari da Asko Länsman he´lssnest 13.9.2011. |
|
| Viimeksi päivitetty ( 16.09.2011 ) |
