Sosial- da tiõrvâsvuõttlu´vddkå´dd lij sää´mtee´ǧǧ sosial- da tiõrvâsvuõttpolitiikklaž maadârdõõzzi, aalttõõzzi, ceâlklmõõžži da beä´lestvä´lddmõõžži valmštõõlli. Lu´vddkåå´dd tuâjjan lij ooudâsviikkâd saa´mi vuõiggâdvuõđi da stattuuz Lää´ddjânnam sosial- da tiõrvâsvuõđhuõllriâššmõõžžâšt.

Lu´vddkå´dd reäšš valdia mä´hssemplaanâst (vä´lddklass 33, sosial- da tiõrvâsvuõttministeria) sää´mǩiõllsai sosial- da tiõrvâsvuõttkääzzkõõzzi staanmõ´šše čuäjtum valdiaveä´ǩǩvuõđi ââ´nnmest. Tõt valmštââll sää´mtee´ǧǧ såbbra kõõ´ǩǩab äi´ǧǧkõõsk plaan sää´mǩiõllsai sosial- da tiõrvâsvuõttkääzzkõõzzi raajjmõõžžâst da oudd piiriee´jji sää´mtee´ǧǧ såbbra da Sää´mjânnam läänhalltõ´sse čiõlǥtõõzz sää´mǩiõllsai sosial- da tiõrvâsvuõttkääzzkõõzzi staanmõ´šše čuäjtum valdiaveä´ǩǩvuõđi ââ´nnmest.

Lu´vddkåå´dd ǩiõtt’tõllum aa´ššid valmštâ´lle da pe´jje tuåimmu sosial- da tiõrvâsvuõttpiisar da Tâ´vv-Lää´ddjânnam sosialvuu´d silttõskõõskõõzz sää´mõõutilååǥǥ plaanraajji.

Sosial- da tiõrvâsvuõttlu´vddkådda ko´lle ee´jjin 2012-2015 puõ´tti vuässla da vää´rrvuässla:

Vuässla:

Ilmari Tapiola, sj.

Nihkolas Valkeapää, vsj.

Heidi Eriksen

Marjo Semenoff 

Katja Magga 

Pentti Valle 

Pekka Pekkala

Vää´rrvuässla:

Elle Aikio

Ulla Magga

Pentti Morottaja

Pauliina Feodoroff

Tuula-Maija Magga-Hetta

Laila Aikio 

Marja Selkälä