Sää´m ǩiõllsuåvtõõžžâst liâ ee´ttkâsttmen puk kolmm Lää´ddjânnmest mainnstum sää´mǩiõl: tâ´vvsää´m, aanarsää´m da nuõrttsää´m.

Ǩiõllsuåvtõõzz tuõjju kooll ââ´nned da ooudâsviikkâd Lää´ddjânnmest õ´nnum sää´mǩiõlid, u´vdded vuä´ppõõzzid da ra´vvjõõzzid ǩiõl- da nõõmstõshuõl da ämmatsa´nnõ´sse kuõskki aa´ššin, ooudâsviikkâd ǩiõl tu´tǩǩumuužž, jue´ǩǩed teâđaid sää´mǩiõlâst da vuässõõttâd tâ´vvjânnamlaž ǩiõllõhttsažtuõjju. Lââ´ssen sää´m ǩiõllsuåvtõs oudd õõutveäkka sää´mǩiõl konttrin vaalpââiääi´jin sää´mtegga mainnâz sää´mǩiõl kuõskki lää´jjšiõttõõzz suåvvtumuužžâst da saa´mi ǩiõll'laž vuõiǧǧâdvuõđi teâuddjumuužžâst da ǩiõllåårrmõõžži ooudâsviikkmõõžžâst.

Sää´m ǩiõllsuåvtõ´sse ko´lle ee´jjin 2012-2015puõ´tti vuässla:

Vuässla:

Morottaja Anna, sj.

Magga Ulla, vsj.

Morottaja Petter

Lumisalmi Erkki

Fofonoff Merja

Vuolab-Lohi Kaarina 

Valle Ailu 

Vää´rrvuässla:

Kuuva Petra

Pautamo Ellen

Marja-Liisa Olthuis

Feodoroff Vladimir

Sanila-Aikio Tiina

Magga Bigga-Helena

Anna-Liisa Väyrynen

Ǩiõllsuåvtõõzzâst lij vääžnai politiikklaž tuâjj sää´mǩiõllsai vuõiggâdvuõđi vuåppjen da sää´mǩiõli õõudâsviikkjen õõutsââ´jest sää´mtee´ǧǧ piizarkåå´ddest tuåimmi sää´mǩiõl konttrin.

Vääžnai vuä´ss ǩiõllsuåvtõõzz tuâjast lij õhttsaztuâjj sää´m ǩiõll'lu´vddkoo´ddin da jee´res sää´m- da minoritettǩiõli da ǩiõlltu´tǩǩumuužž tuõjjstõõlljivui´m, kook liâ hå´t mâka Kotus (Kotimaisten kielten keskus). Ǩiollsuåvtõõzzâst lij še võborše´ǩǩ Europ minoritettǩiõli konttâr (Eblul) Lää´ddjânnam juâǥǥas, Fiblul halltõozzâst.

Sää´m ǩiõll-lu´vddkå´dd (sgl)

Sää´m parlamentaarlaž suåvtõõzz vuâlažvuõđâst tuåimmjeei sää´m ǩiõll-lu´vddkåå´dd tuâi oođeet õhttsažtâ´vvjânnmlaž Intereg-teäggtemvuâlaž ha´ŋǩǩõõzzin. Sää´m parlamentaarlaž suåvtõs (Lää´ddjânnam, Taarr da Ruõcc sää´mtee´ǧǧ õhttsažtuâjjorgan) lij alttääm 1.1.2013 õhttsažtâ´vvjânnmlaž sää´mǩiõl ämmat- da resursskõõskõõzz vuâđđeemha´ŋǩǩõõzz, kåå´tt poott 30.6.2014. SÁFÁ2 – Yhteispohjoismaisen saamen kielen ammatti- ja resurssikeskuksen perustamishanke Tâ´vvjânnmlaž sää´m ǩiõllõhttsažtuâjj lij kuullâm ee´jjin 1971-1996 Sää´msuåvtõõzz nõõmtum sää´mǩiõl lu´vddkådda, ko´st liâ ee´ttkõ´sttum puk Tâ´vvjânnmlaž da Ruõšš saa´mi ǩiõllåå´blee´ǩǩ. Ǩiõll-lu´vddkåå´dd jaukkeeš ee´jjest 1996 da Lää´ddjânnam, Ruõcc da Taarr sää´mtee´ǧǧ suå´ppe ǩiõllõhttsažtuâi o´đđest riâššmõõžžâst vuâlažvuõđstes ee´jjest 1997. Suåppmõõžž vuâllaǩee´rjtumuš Tâ´vvjânnmlaž ǩiõllõhttsažtuâjast ǩee´rjteš saa´mi meersažpei´vven 6.2.1997 Trondheim-gåårdest, te´l čuõlmmee še suåppmõõžž saa´mi parlamentaarlaž suåvtõõzz vuâđđumuužžâst.