Sää´m parlamentaarlaž suåvtõõzz saaǥǥjåå´đtemvuõtt se´rddji Lää´ddjânnmest Ta´rre PDF Tulosta
Lää´ddjânnam sää´mtee´ǧǧ saaǥǥjåå´đteei Klemetti Näkkäläjärvi lij tuåimmjam Sää´m parlamentaarlaž suåvtõõzz saaǥǥjåå´đtee´jen mõõnni kue´htt ee´jj. Saaǥǥjåå´đtemvuõtt se´rddji Lää´ddjânnam sää´mtee´ǧǧin Taarr sää´mtegga Ǩeârkknjaarǥâst skamm-mannu 9. peei´v. Ǩeârkknjaarǥâst rie´ššeš Sää´m parlamentaarlaž suåvtõõzz (SPS) tiuddsååbbar.

 

Sää´m parlamentaarlaž suåvtõs lij Tâ´vvjânnmlaž sää´mtee´ǧǧi õhttsažtuâjjorgan. Sää´m parlamentaarlaž suåvtõõzz sååbbar saaǥǥstõõli da ǩiõtt’tõõli jm. nuõripolitiikklaž aa´ššin, ǩiõllõhttsažtuâjast, sää´mvuu´d näuddpåå´mhin da saa´mi meersaž tiõđi lu´vddkåå´dd tuåimmjumuužžâst. 

 

parlamentarihkkarat_girkonjarggas_2011_copyright_samediggi.no_panorama_500px.jpg

Snimldõkk: Sää´mparlamentaarnee´ǩǩ Ǩeârkknjaarǥâst 2011. Snimldõkk: Sametinget, Karasjok  

 

Sää´mnuõr da ǩiõllõhttsažtuâjj le´jje såbbar ä´ššen

 

Sää´m parlamentaarlaž suåvtõõzz såbbar õhttvuõđâst rie´ššeš u´ccseminaar, koon teemmen le´jje nuõripolitiikklaž ää´šš. Mâŋŋa Seminaar SPS:zz sååbbar tu´mmji nu´tt, što vuâđđad vuâlažvuõ´ttses õhttsaž nuõrisuåvtõõzz. Nuõrisuåvtõs puätt tuõjjstõõllâd nuõripolitiikklaž aa´šši pirr da tuåmmai sää´mnuõri õhttsaž jiõnnân, nu´tt meeraikõskksânji ko še sää´mvuu´din.  

 

spr_nuoraidraddi_2011_copyrights_samediggi.no_500px.jpg

Snimldõkk: Sametinget, Karasjok

 

Lââ´ssen Sää´m parlamentaarlaž suåvtõõzz sååbbar tu´mmji ra´vvjed jee´res jânnmi Sää´mte´ǧǧid vuässõõttâd tâ´vvjânnmlaž sää´mǩiõl tu´tǩǩeem- da ämmat/resursskõõskõõzz ǩiõččlõddâmha´ŋǩǩõ´sse. Ha´ŋǩǩõ´sse vuässõõđât nåkam oudldõõzzin, što tõõzz miõttât EU Interreg teäggtõõzz le´be jee´res teäggtempääi´ǩest. Lââ´ssen õõlǥtet, što juõ´ǩǩ jâmman sää´mtee´ǧǧ vuä´ǯǯe teäggtõõzz da ǩiõllämmat-tuâjjlaid ha´ŋǩǩõõzz diõtt. 

Viimeksi päivitetty ( 21.11.2011 )
 
‹‹Takaisin