STROOITE´LTEEVVAI

Sää´mtee´ǧǧ, kåå´tt lij Sajos vä´lddõõnni, ååcc åå´n Sajos põ´rtte STROOITE´LTEEVVAI mie´rräiggsaž da pei´vvsaž ve´rǧǧkõskkvuõ´tte 28.12.2011 looǥǥee´l. Strooite´lteevvai tuâjjan lij ââ´nned huõl Sajos paai´ǩi juõ´ǩǩpei´vvsaž čiistmõõžžâst da lââ´ssen taarb mie´ldd veä´ǩǩted såbbri da noorõõttâmpooddi praksiizz riâššmõõžžin. Šiõtt’teemvuâđđlaž ââ´ntemõõlǥtõssân lij tuâi oudldem škooul’jumuš. Tuâi o´nnstemnallšem håiddmõõžžâst veä´ǩǩte Strooite´lteevvai tu´tǩǩõs le´be va´stteei da ri´jttjeei tobddmõš ođđäiggsaž õõlmâs paai´ǩi čiistmõõžžâst di šiõǥǥ vuârrvaikktemoodd da lue´ǯǯjeei tuâjjvä´lddmõš. Sää´mmǩiõl čie´ppes silttõs ǩiiččât ooccja ouddõssân. Pä´lǩǩvuõtt meä´rrââtt sää´mtee´ǧǧ pä´lǩǩriâššâm vä´ǯǯelvuõtt’tää´zz VII/II mie´ldd vuâđđpä´lǩǩ 1 585,62 eu´rred/mp, koon lââ´ššen määu´set 24 %:t sää´mvuu´d lââ´ss da tuâjjtobddmõõžž mie´ldd meä´rrõõtti tuâjjtobddâmlââ´žž.

Õõccmõõžž mätt’tõõttâm- da tuâjjtuõđštõõzzineez â´lǧǧe tuåimted sää´mtee´ǧǧ piizarkådda16.12.2011 mõõnee´st čiâss 16.00 räjja addrõõzzin Angelintie 696, 99870 Aanar. Lââ´ssteâđaid tuâjast oudd vaaldšemšuurmõs Juha Guttorm, te´l. 010 839 3102. Sää´mtegga da sää´mkultturkõõskõs Sajos põ´rtte vuäitt tobdstõõttâd ne´ttaddrõõzzâst www.samediggi.fi

* * *

TUÅIMMPÄI´ǨǨTEEVVAI

Sajos vä´lddõõnni, kåå´tt lij sää´mte´ǧǧ, ååcc åå´n Sajos põ´rtte TUÅIMMPÄI´ǨǨTEEVVAI mie´rräiggsaž da pei´vvsaž ve´rǧǧkõskkvuõ´tte 28.12.2011 looǥǥee´l. Sajos Tuåimmpäi´ǩǩteevvai ââ´nn huõl vahssimäästarkääzzkõõzzi, infopääi´ǩ håiddmõ´šše, såbbri da noorõõttâmpooddi riâššmõ´šše kuulli tuâjain di taarbše´mmen čiistmõõžžâst. Šiõtt’teemvuâđđlaž ââ´ntemõõlǥtõssân lij tuâi oudldem škooul’jumuš. Tuâi o´nnstemnallšem håiddmõõžžâst veä´ǩǩte Tuåimmpäi´ǩǩteevvai tu´tǩǩõs le´be va´stteei da ri´jttjeei tuâjjtobddmõš vuu´d tuâjain ođđäiggsaž õõlmâs paai´ǩin, šiõǥǥ vuârrvaikktemoodd, jiõčča´lttemvuõtt da lue´ǯǯjeeivuõtt di tuâi beä´lnn ri´jttjeei čie´ppes sää´m, eŋŋlõsǩiõl da ruõccǩiõl silttumuš. Pä´lǩǩvuõtt meä´rrââtt sää´mtee´ǧǧ pä´lǩǩriâššâm vä´ǯǯelvuõtt’tää´zz VII/II mie´ldd vuâđđpä´lǩǩ 1 748,73 eu´rred/mp, koon lââ´ššen määu´set 24 %:t sää´mvuu´d lââ´ss da tuâjjtobddmõõžž mie´ldd meä´rrõõtti tuâjjtobddâmlââ´žž.

Õõccmõõžž mätt’tõõttâm- da tuâjjtuõđštõõzzineez â´lǧǧe tuåimted sää´mtee´ǧǧ piizarkådda16.12.2011 mõõnee´st čiâss 16.00 räjja addrõõzzin Angelintie 696, 99870 Aanar. Lââ´ssteâđaid tuâjast oudd vaaldšemšuurmõs Juha Guttorm, te´l. 010 839 3102. Sää´mtegga da sää´mkultturkõõskõs Sajos põ´rtte vuäitt tobdstõõttâd ne´ttaddrõõzzâst www.samediggi.fi

* * *

Aanar ceerkavsi´jdde sâjjdõõtti sää´mkultturkõõskõs Sajos valmštââvv ee´jj 2011 loopp räjja da tõt vää´ldet ââ´nnem vuâlla ee´jj 2012 looǥǥee´l. Koolmriâdd pâjjlõšpõrtt da 4800 bruttmettarkõõsk šõõraž Sajos šâdd lee´d sää´m vaaldšem, kulttuur da siltteemkõõskõs di määŋgbeällsaž da ođđäiggsaž kongress- da määŋg pooddpõrtt.