Teâđtempodd Sajoozz ci´sttjem diõtt čõõđtum påå´tmiârkast |
![]() |
![]() |
Tiõrv pue´ttmest prääznkâ´stted sää´mkultturkõõskõõzz Sajoozz påå´štmiârkkaark õlmm’mumu! Teâđtempodd Sajoozz parlamenttkue´rncest älgg vuõssaarǥ 23.01. čiâss 12. Õlmmeempooddâst čuä´jtet nellj påå´štmiârkkad da Sää´mkulttuur – u´ccaarkâ da maainstet påå´štmiârkkaark tuâǥǥa pirr. Õlmmeempooddâst vuäitt še vuä´stted ođđ påå´štmiârkaid da vuõsspeei´vkonfeârtid, leâ´ša koin lij raajõš mie´rr, kook liâ vuäǯǯamnalla.
Itella Posti čõõđat Sää´mkulttuur – påå´štmiârkkaark seämma peei´v He´lssnest da tän riõššum peei´v õlmmeempooddâst lij mie´ldd še aark kärttõõzz plaanääm plaaneei sää´mčeäppneǩ Merja Aletta Ranttila.
Aanar Sajoozzest riõššum õlmmeempooddâst lij mie´ldd Itella Posti Võ:zz õhttvuõttšuurmõs Pirjo Kumpula. Mie´ldd liâ še Itella Posti Võ:zz teâđtõõzz tä´st.
Kaa´ffkuâsstem stuällõõttâm poodd ǩe´rjjneǩ-u´čtee´l-histoorǩee´rjteei Matti Lehtola mušttâl Aanar påå´šthistoor kiâvvmõõid, kook sättje tõn äi´ǧǧpââi äi´ǧǧen.
TIÕRV PUE´TTMEST! UUS LIÂ ÄÄVAI PUKID ÕLMMEEMPOODD VUÄSSÕÕTTJID! |
|
Viimeksi päivitetty ( 19.01.2012 ) |