Kaartin Leammuid Biret Rávdná/ Seenai vi´lljbie´ll, Sarakka Gaup/ Ruõ´p pses vue´rnnbiell da Áilloš/ Ǩe´ddǩee´jj ääkkaž. Kaart: Beaivváš/ Stainnak/ Mienna.

Čuä´jldõs lij dramaattlaž – kåå´tt vuârai pâ´lddad di hää´sǩâtt, sä´rnn Marry Ailonieida Somby. – čuä´jtõõzz jurddân lij čuä´jted agstemvuõđ luâđ pe´llstumuuzz vuâstta. Stáinnak-čuäjldõõzzâst liâ mie´ldd čäkkleei di stääla di viõ´lǧǧes čeäkklee´ji lekkpuäʒʒ Stáinnak.

Stáinnak joudd o´ddjõõđee´l oummi di jie´llji maai´lma da älgg palkkâd puästsââ´jest da puästäidda, Stáinnak kaaunââtt Puâǥǥpåå´les (Rohttupolitiija), kåå´tt peejj Stáinnak lookki tuâkka. Seenai vi´lljbie´ll da ruõ´psses vue´rnnbie´ll liâ Stáinnak pue´rmõs na´zvaan, kook meinna veä´ǩǩted suu, leâ´ša tõt ij leäkku nu´tt hiâpâs tuâj, mä´htt juu´rdet. Peälste´mmen Stainnak Seenai vi´lljbie´ll da ruõ´psses vue´rnnbie´ll kaaunâ´tte šiõǥǥ da neeu´res hää´mmivui´m. Sij ko´lle še, što måttam liâ älggam raajjâd atomaparaattid da veâl hue´nab aa´ššid. Čeäkkli kuâhttaid šâdd dramaattlaž mä´tǩǩ, nu´tt tän mij maai´lmest ko mäddvuâlaž maai´lmest. Da täävtõssân lij peälšted Stáinnak, leâ´ša Puâǥǥpåå´les da Groommjaavâj (Jyrinäpaholainen) jiâ tu´ǩǩed tõ´st.

Suõmmeei da musikkčeä´pp Roger Ludvigsen lij tuejjääm čuäjldõõzz musiikk. Čuä´jtõõzz lij o´hjjääm Victoria Kahn. Kri´lcc- da piiutâsplaanumuužž lij tuejjääm Sara Kander, čuõvvplaanumuužž Bernt Morten Bongo.

Čuä´jtõõli: Beaivváš – tea´tter põõšši čuä´jtõõlli Egil Keskitalo, Áilloš da Svein B. Olsen, jee´res čuä´jtõõlljen liâ Sarakka Gaup da Leammuid Biret Ravdna.

Looǥǥ lââ´zz tä´st.

Čuä´jtõs Sajoozzâst pâ´sspeei´v 26.2. ää´lje´l čiâss 17.

Liipp uusâst:

18 eu´rred/vuõrâsooumaž

12 eu´rred/jeältõkooumaž le´be mätt’tõõtti

8 eu´rred/päärna