Musikkčuäjtõõzz, čiõ´lǧǧõõzz da päärnai prograamm Sajoozz Meerprää´znǩest njuhččmannu 4. peei´v PDF Tulosta
Sää´mkultturkõõskõs Sajoozz da Sää´mtee´ǧǧ prää´znǩi nuu´bb peei´v prää´znkâ´sttet seärad njuhččmannu 4. peei´v, te´l Sajoozzâst riⲲât pukid kue´ssid meerprää´zneǩ. Prääzjempeei´v äi´ǧǧen uus lia äävai ää´ljeel čiâss 11da 17 räjja da Sajoozzâst liâ määŋgnallšem prograamm ǩee´jjmie´ldd peei´v. Prograammâst liâ tää´zz mie´lddsa musikkčuä´jtõõzz, põõrt tuåimmjee´ji da tuåimmpaai´ǩi čuä´jtumuu˛˛ di päärnaid liâ jiijjâs-i prograamm. Vuä´pstum põrttčuä´jtumuu˛˛id riⲲât tää´ssčiâssi mie´ldd čiâss 12 ää´ljee´l.

 

Musikkprograamm ää´vee Ánnámáret Ensemble, Annukka Hirvasvuopio-Laiti, Heli Aikio da Ailu Valle. Ánnámáret Ensemblest voddâ´tte Anna Näkkäläjärvi-Länsman (laull da klarinett), Johanna Juhola (garman), Katri Kittilä (piano), Janne Lappalainen (buzuki da kitara) da Ilkka Heinonen (kontrabasso). Annukka Hirvasvuopio-Laiti juõikkad tâ´vvsää´mǩiõ´lle juõ´ǥid da Heli Aikio läull aanarsää´mǩiõlle. Ailu Valle programm nårrai tâ´vvsää´mǩiõllsa˛ rap-musiikkâst.

 

Sajoozz tuåimmjee´ji põrtthâ´ŋǩǩeem kõõski da arkkteeht čiõ´lǧǧõõzz ä´lǥǥe čiâss 13 vaaldšemšuurmõs Juha Guttorm čuäjtumuu˛˛in. Tu´tǩǩeei Suvi Kivelä maainast Sää´markiiv (Sámi arkiiva) tuåimmjumuu˛˛âst, u´čtee´l Anna Morottaja Sää´mvuu´d škoou´l’jemkõõskõõzz sää´mǩiõl škoou´l’jumuu˛˛âst, tuåimmjemjåå´đteei Ristenrauna Magga Sámi Soster -õhttõõzz tuåimmjumuu˛˛âst da ǩe´rjjpõrtt-tuåimjåå´đteei Eija Leivo Aanar sää´mǩe´rjjpõõrt tuåimmjumuu˛˛âst. Põõrtâst tuåimmpaai´ǩid â´nne aanarsää´mǩiõl seä´rvv, Anâraškielâ servi, Sámi duodji r.y. da Sää´mjânnam vu´vddvaaldšempravlee´nn’ja, kook maainste še jiijjâz tuåimmjumuu˛˛ diõtt. Čiõ´lǧǧeem kõõskin tâ´vvsää´mjuõi´ǥid juõikkad Nils Heikki Paltto da ǩe´rjjpõõrtâst voddââtt ǩe´rjjneǩ-čeäppneǩ Ima Aikio-Arianaick.

 

Sää´m päärnaikultturkõõskõs Mánnu reäšš päärnaid e´jjpeei´vtuâjjstõõllmõõ˛˛id da sää´mǩiõ´lle kuulli programm, koon jåå´đte Petra Magga-Vars da Inka Nuorgam. Päärna vuä´ǯǯe jåå´tted sää´m ǩiõllpalggâz ǩee´jjmie´ldd Sajospõõrt.

 

Prääzkjempei´vv loŋŋan voddõõđji prograammi mie´ldd Irene Länsman tea´tterčuäjtõ´sse, Heli Aikio läullam aanarsää´mǩiõllsai laull’jid da Anna Näkkäläjärvi-Länsman čuäjtõ´šše.

 

Sää´mte´ǧǧ da puk tuåimmjeei tiõrvte kue´ssid Aanrest da še kuu´ǩǩab maa´tǩi tu´ǩǩen puõ´ttjid tiõrv pue´ttmest Sajoozz Meerprääznka! Kuâsstemstuällõõttmõš li ǩee´jjmie´ldd peei´v.
Viimeksi päivitetty ( 30.03.2012 )
 
‹‹Takaisin