SaKaste |
![]() |
![]() |
SaKaste- Sä´mmlai sosial- da tiõvâsvuõttkääzzkõõzzi ooudâsviikkâmraajõs-ha´ŋǩǩõs PaKaste 2 – Tâ´vv vuu´d Kaste-ha´ŋǩǩõõzz vuä´ssha´ŋǩǩõs 1.10.2011 - 31.10.2013
SaKaste- ha´ŋǩǩõõzz äi´ǧǧen pue´reeš sää´mǩiõllsaž da ku´lttuu´re vuâđđõõvvi kääzzkõõzzi šlaai, vaikktemvuõđ da vuäǯǯamvuõđ di ǩee´ʒʒeeš vooudlaž jeä´rdõõzzid raajee´l sää´mǩiõllsaž da –kulttuu´re vuâđđõõvvi šiõǥǥ tuâjjmõõntõõllmõõžžid da tuåimmjem-maallid. Ooudâsviikkâmtuâjjproseess äi´ǧǧen sää´m tuâjjlai jiijjâz ämmat-identite´tt ravvni da kõskksaž ä´šštobddisäi´mmõs veiddni da âlddni.
Ooudâsviikkâmtuâi tuejjeeš prosessluânddlânji da sää´mkulttuur vue´lǧǧemaalǥin. Sä´mmlai vuõsspeâmmam da puärrsituâi kõõskâst re´ttlõ´stti sää´mǩiõllsaž tuâjjlažkå´dd tuåimmji tuâjj-joukkre´ttlâsttem äi´ǥǥen ooudâsviikkâmä´šštobddjen. Sij äiggsab silttumuš di kulttuursaž sää´m ä´rbbvuõtt-teâtt leäi vääžnai ođđ tuåimmjem-maalli ooudâsviikkmõõžžâst. Ää´ššlai lokku vä´lddmõš kuâsttji tõ´st, što tuâjjla to´bdde ää´ššlai taarbid da si´jjid vuä´psteš ooudâsviikkâmtuâi äi´ǧǧen tob-dstõõttâd ää´ššla sää´mǩiõ´lle da kulttuu´re vuâđđõõvvi kääzzkõõzzi taarbid.
Sää´mtee´ǧǧ lââ´ssen ooudâsviikkâmtuâjast le´jje mie´ldd saa´mi dommvuu´d kåå´dd, Sámi Soster ry, Tâ´vv – Lää´ddjânnam sosialvuu´d siltteemkõõskõõzz sää´mjuâǥǥas da Sää´mvuu´d škoou´l’jemkõõskõs.
Sää´mnallšem puärrsituâjj
Ooudâsviikkâmraajõõzz vie´ǩǩin occeš sä´mmlai kõõskâst tuejjeem puärrsituõjju nåkam tuâjjmaallid, kook ve´ǩǩe ooudâs puärsmam sä´mmla ǩiõll’laž da kulttuursaž vuõiggâdvuõđi teâuddjumuužž. Saamelaisen vanhustyön työkalupakki
Sää´mnallšem vuõsspeâmmõš
Sä´mmlai dommvuu´dest da tõn åålǥbeä´lnn tuejjeem vuõsspeâmmamtuõjju occeš ooudâsviikkâmtuâi vie´ǩǩin sää´mnallšem vuõsspeâmmamtuâjjlažkådda nåkam tuâjjmaallid, kook veä´ǩǩte da tuärjjee tuâjjlažkåå´dd silttu-muužž vuõsspeâmmamtuâjast nu´tt, što sää´mpäärnai ǩiõll’laž da kulttuursaž vuõiggâdvuõđ teâuddje´če.
Sä´mmlaž pei´vvhåiddâ´kksai Peâmmplaan Saamelaisen varhaiskasvatuksen arjen käytäntöjen opas
Silttumuužž ravvumuš da teâđpuu´t´tõs
SaKaste – ha´ŋǩǩõõzz äi´ǧǧen ra´vveeš sä´mmlai dommvuu´dest re´ttlõ´stti sosial- da tiõrvâsvuõtt-luu´d tuâjjlažkåå´dd sää´mǩiõl da – kulttuur silttu-muužž di lââ´zzteš mie´ree´ji sää´mǩiõl da –kulttuur lokku vä´lddem tuåimmjumuužž tie´ttemvuõđ miârkktõõzz.
|
|
Viimeksi päivitetty ( 09.04.2014 ) |