”Leäm šiõǥǥ miõlâst sää´mtee´ǧǧ såbbar primmum tuåimmjemprogra´mme. Õhttse´žže primmum tuåimmjemplaan mie´ldd pue´reed saa´mi vääžnmõs aa´šši ooudâsviikkmõõžžid, da puätt jåå´đtet sää´mtee´ǧǧ tuåimmjumuužž tän vaalpââi ääi´j ee´jj 2015 asti”, särnn sää´mtee´ǧǧ saaǥǥjåå´đteei Klemetti Näkkäläjärvi.

Sää´mtee´ǧǧ såbbar 20.6.2012 primmum sää´mtee´ǧǧ vaalpââi tuåimmjemprograamm 2012-15 vä´lddtäävtõõzz liâ:

 1. ILO 169-suåppmõõžž ratifâ´sttmõš

2. Tâ´vvjânnmlaž sää´msuåppmõõžž ratifâ´sttmõš

3. Sää´mte´ǧǧlää´jj da –asetõõzz oođumuš di sää´m-meä´rtõõzz mutt´tumuš

4. Saa´mi jiõččmie´rreemvuõiggâdvuõđ teâuddjumuš tiuddmie´reld

5. Katainen da suu halltõsprograamm sää´mregisttrumuužž teâuddjumuš tiuddmie´reld

6. Sää´mǩiõli jeälltemprograamm tuåimmepiijjâm alttumuš

7. Kansallisen artikla 8(j) –tuâjj-joouk e´tǩǩõõzzi čõõđtumuš

8. Alggmeerčõõđtõõzz tuåimmepiijjmõš Lää´ddjânnmest

9. Sää´mkulttuur da ää´rbvuâlaž jie´llemvue´jji suõi teâuddjumuš

10. Sää´mkulttuur hue´numuužž suõi vuältumuš čää´cclää´jj mie´lddlânji pukid saa´mid kuõskki spesial-laa´jjid

11. Saa´mi dommvuu´d da ää´rbvuâlaž jie´llemvue´jji jie´llemviõkkvuõđ staanumuš

12. Saa´mi vuâlggmõš dommvuu´dest meädda åårstâ´ttmõš da dommvoudda mååust serddmõš lââ´zzted

13. Ǩiõll'laž da kulttuursaž vuõiggâdvuõđi teâuddjumuš obb jânnmest

14. Saamelaisen parlamentaarisen neuvoston tehokas toiminta

15. Sää´mǩiõl da sää´mǩiõllsaž mätt’tem staattuuzz da o´nnstemvuõđ ooudâsviikkmõš

16. Saa´mi pue´rrjie´llem da vuässadvuõđ ooudâsviikkmõš

Sää´mtee´ǧǧ sååbbar priimi vä´lddtäävtõõzzid õõutmiõllsânji, lokku vää´ldee´l pääi´ǩ 3., koon primmeš jiõnin 11-3.

Õhttsaž tää´rǩes täävtõõzz liâ saa´mi õhttsažkå´ddvuõđ ooudâsviikkmõš, sää´m ää´rbvuâlaž teâđ staanumuš, sää´m kultturpirrõõzz staanumuš, sää´mkulttuur jie´llemviõkkvuõđ staanumuš obb jânnmest, sää´mtee´ǧǧ vaalriâššâm ooudâsviikkmõš, sää´mtee´ǧǧ jiijjâz tuåimmjumuužž ooudâsviikkmõš da sää´mtee´ǧǧ ouddõsvahssâm ooudâsviikkmõš.

Sektorpuõttlaž tää´rǩes täävtõõzz liâ saa´mi jie´llemvue´ǩǩpolitiikk, sää´mǩiõl jie´llemviõkkvuõđ staanumuš, sää´mpäärnai da –nuõri staattuuzz ooudâsviikkmõš, sää´mǩiõllsaž sosiaal- da tiõrvâsvuõđkääzzkõõzzi ooudâsviikkmõš, saa´mi kultturkääzzkõõzzi da čeäppõsjie´llem ooudâsviikkmõš, sääm-mätt’tõõzz da õllškooul škoou´l’jumuužž ooudâsviikkmõš da sää´m parlamentaarlaž suåvtõõzz tuåimmjumuužž ooudâsviikkmõš.

Sää´mtee´ǧǧ såbbar priimmâm teä´ǧǧplaan jåå´đat sää´mtee´ǧǧ vaalpââi teäggtõõzz ooccmõõžž da teäggtõõzz âânnmõõž. Vaalpââi äi´ǧǧen sää´mte´ǧǧ ǩiččlââtt raajjâd ođđ vee´rjid sää´mtegga sää´mǩiõllsaž kääzzkõõzzid, saa´mi dommvuu´d åålǥbeälla jälstee´ji saa´mi vuõiggâdvuõđi ooudâsviikkmõ´šše, pirrõs- da kuåivâslää´ǩǩaa´šši ou´dde pu´httmõ´šše sää´mtee´ǧǧest di vuâđđeed sää´m jie´llemvue´ǩǩfoond, koin tuärjjeet sää´mjie´llemvue´jjid da ää´rbvuâlaž teâđ ruõkkmõõžž ää´rbvuâlaž sää´mjie´llemvue´jjin.