Musikkpoodd rie´ššeš ju´n ååucad vuâra da festivaal jee´res pooddid vuässõ´tte kuei´t peei´v äi´ǧǧen pâ´jjel 2000 joo´đi. Iinte´mes inn musikkpoodd rie´ššeš vuõssmõs vuâra Sää´mkultturkõõskõõzz Sajõõzzâst da tõn šillju rajjum festivaalvuu´dest. Festivaal leäi o´nnstam da Sajos tuåimmji festivaalpäi´ǩǩen puârast.

Iinte´mes iin sue´vetjeä´ǩǩää konsertt leäi puârast vuâstta valddum da vä´lddvoddõõttjen le´jje sää´mpopp prinsess Sofia Jannok di ruânnjânnamneǩ rock-bändd Nanook. Jeä´ǩǩää ku´lleš še Ailu Valle tâ´vvsää´mǩiõllsaž räppmusiikk di jee´res voddõõttji juõi´ǥid da leeu´did. Iinte´mes inn! –konseert ǩiõččmõš leäi vuäittmõõžžâst še YLE Sápmin live stream vuõlttõssân internee´ttest. Vuõlttõs leäi puârast vuâstta valddum da tõn pääi´ǩ oummu vuässõ´tte pirr jânnam Iinte´mes iin konsertta.