Sää´mte´ǧǧ vuāǯǯai meeraikõskksa˛ tobdstõõzz |
![]() |
![]() |
Sää´mte´ǧǧ da Meä´cchalltõs vuõǯǯu spä´ssbõõ˛˛id ouddu´rddeei tuâjast, kåå´tt leäi Akwé: Kon –vuä´ppõõzzi suåvvtumuš.
Sää´mte´ǧǧ, pirrõsministeria da meä´cchalltõs reä´šše 17.10 kuâŋŋprograamm biodiversiteettsuåppmõõ˛˛ 11. vuä´ssbie´llsåbbrest Hyderabadist, Intiast. Såbbrest pu´htte õlmmsa: Akwé: Kon –vuä´ppõõzzi suåvvtumuu˛˛ Lää´ddjânnmest Pää´nntuõddâr poostaivuu´d håidd- da ââ´nnemplaan raajjmõõ˛˛âst. Lää´ddjânnam lij vuõssmõs riikk, kåå´tt lij suåvvtam ee´jjest 2004 biodiversiteettsuåppmõõ˛˛ 11. vuä´ssbie´llsåbbrest primmum vuä´ppõõzzid. Pää´kktem Akwé: Kon – vuä´ppõõzzi jurddân lij staanâd luâđ jee´resnallšemvuõđ seillmõš da alggmeerkulttuur luâttkõskkvuõđ da ää´rbvuâla˛ teâđ seillmõš. Akwé: Kon –vuä´ppõõzz ta´rjjee mõõntõõllâmvue´jj, mä´htt saa´mi vuässõõttmõš ha´ŋǩǩõõzzi da plaani valmštõõllmõ´šše, vaikktemärvtõõllmõ´šše da tu´mmjemtuõjju vuei´tet staanâd. Akwé: Kon –vuä´ppõõzzi suåvvtumuu˛˛i mie´ldd valmštõ´lleš Pää´nntuõddâr poostaivuu´d håidd- da ââ´nnemplaan raajjmõõ˛˛, kåå´tt leäi pirrõsministeria pijjum meersa˛ aartikla 8(j)-tuâjj-joouk tuâi vue´lnn.
Sää´mtee´ǧǧ võborše´ǩǩen kuâŋŋprograammâst leäi lää´ǩǩpiizar Aimo Guttorm. Guttorm puu´ti saaǥǥstõõllâm poodd ou´dde tõn, što "Lää´ddjânnam sää´mtee´ǧǧ mie´ldd Pää´nntuõddâr håidd- da ââ´nnemplaan valmštõõllâm õhttvuõđâst, ju´n čõõđ vikkum Akwé: Kon – prosess lij vää˛nai saa´mi vuõiggâdvuõttstaattuuzz teâuddjumuu˛˛âst.
Akwé: Kon –vuä´ppõõzzi suåvvtumuu˛˛ liâ valmštõõllâm Meä´cchalltõõzz da sää´mtee´ǧǧ nõõmtum õhttsa˛ tuâjj-joouk, koozz sää´mte´ǧǧ lij nõõmtam vuä´sslaid. Tuâjj-joouk vuä´ssla liâ ää´rbvuâla˛ teâđ vuä´msteei da tuâjj-jooukâst liâ še jee´res puõlvvõõǥǥ da sooǥǥbeä´l di vuu´d paalǥâskoo´ddi puäʒʒee´˛˛ed. Tuâjj-joouk saaǥǥjåå´đtee´jen lij tuåimmjam sää´mtee´ǧǧ II vää´rrsaaǥǥjåå´đteei Heikki Paltto.
"Vuä´ppõõzz vue´lǧǧe tõ´st, što alggmeer võboršee´ǩǩ vää´ldet mie´ldd plaanumu´šše ju´n tuâi aalǥâst, jeät emansa te´l ko tuâjj lij ju´n alttuum da ouddnam. Lij aivv jee´res ä´šš tue´jjeed tuâi õhttsa˛tuâjast saaǥǥstõõlee´l, ko raukkâd ceâlklmid ju´n õ´httest ǩee´rjtum suâvlma ", muštt’tad kuâŋŋprograammâst maainstam spesialplaaneei Sanna-Kaisa Juvonen Meä´cchalltõõzz luâttkääzzkõõzzi beä´lnn. "Tuâjjvue´ǩǩ lij leämma˛ pukid vuä´sspeä´lid läädnai da tuåimmji puârast."
"Meä´cchalltõs tu´mmai ââ´nned tän tuâjjvue´jj še puõttiääi´jest ", låppad Sanna-Kaisa Juvonen.
Meersa˛ biodiversiteett-tuâjj-joouk vuä´ssla˛, sää´mtee´ǧǧ saaǥǥjåå´đteei Klemetti Näkkäläjärvi lij miõlstes Lää´ddjânnam sää´mtee´ǧǧ vuõǯǯum tobdstõ´sse.”Leä´p tuejjääm tuõđi jiânnai tuâi meersa˛ da še meeraikõskksa˛ aartikla 8(j) tuåimmapiijjâm diõtt da teâđast vuõǯǯum tobdstõs paakkad. Ooudâstjoo´tti tuâi mie´ldd puä´tte še va´sttõõzz da tuâi liâ jiânnai saa´mi ää´rbvuâla˛ teâđ suõ´jjumuu˛˛âst Lää´ddjânnmest”, tu´mmai saaǥǥjåå´đteei. Riikksuåvtõs preemm čâhčča vuâđđjuurdtu´mmstõõǥǥ meersa˛ biodiversiteettstrategiijan ee´jj 2012 räjja. ”Sää´mte´ǧǧ vuârdd biodiversiteettstrategiijast da jeä´rben tõn tuåimmapiijjmõõ˛˛âst jiânnai. Vue´rttep, što Lää´ddjânnam čõõđat meeraikõskksa˛ ooudâstjoo´ttjen meersa˛ aartikla 8(j)-tuâjj-joouk lopprapoort e´tǩǩeem tuåimmtuâjaid”, Näkkäläjärvi muštt’tii.
|
|
Viimeksi päivitetty ( 18.10.2012 ) |