| Vuõssmõs aanarsää´m altteem-mätttemǩe´rjj vue´llkooulnee´ǩǩid i´lmmstõõvi |
|
|
|
"Tiervâ! Muu nommâ lii Ánná. Mii tuu nommâ lii?" Nääi´t älgg vue´llškooulnee´ǩǩid jurddum vuõssmõs aanarsää´m mätt’temǩe´rjj Hitruu! Áahu kuuvl, kåå´tt i´lmmstõõvi škoouli ǩiddlookkâmpââi aalǥâst. Mätt’temǩe´rjj lij jurddum vuâđđmätt’teem vue´llklaassid da tõt jåå´đat Ánná da Saammâl mie´ldd mätkka aanarsää´m ǩiõ´lle da kulttuu´re.
Maaddârä´ǩǩ le´be ákku jäälast Pakšvuõn reeddast, ko´st Ánná jåått täujja. Maaddârääkk mainnsi da Ánná da Saammâl maainstem vuârai kõõskõst vuäitt mättjed aanarsäämas hää´sǩeld. Ǩee´rj mainnsi pa´ldde seämma palddlõs seidda liâ norrum seeid tee´kstest åårrai ođđ sää´n nu´tt, što kee´rjest åårrai seeidid ij taarbâ joorted oudsmååusat ǩiõl mätt’tõõttmen. Mätt’temǩerjja lij pue´ttmen še mätt´tõõttâmǩe´rjj, koon vie´ǩǩin mättjum aa´šši čõõđ jeällmõš ođđest lij hiâlpp. Lookkâm-mainnsai looppâst liâ mainnsa suåppi laulli, kook po´htte hää´sǩesvuõđ da vaajtõõzz mätt’temčiâssid.
Ǩee´rj lij tuejjääm Teija Linnanmäki da õhttsatuâjast lij kärtteei Riitta Ahonen. Ǩee´rj lij čõõđtam sää´mte´ǧǧ da tõt lij vuäǯǯamnalla Duodji shop -kaaupâst Sajoozzâst, Sámi duodji liâdggsa kaaupâst da sää´mtee´ǧǧ škooul’jem- da mätt’temmaterialkonttrest info(at)samediggi.fi. Lââ´ssteâđaid tä´st. |
|
| Viimeksi päivitetty ( 09.01.2013 ) |