Sää´mnuõri čeä´ppvuõđpei´vv ǩeu´kkli e´pet riâžžji da loŋŋnam vuässõõttâm-meä´rin. Hetta škooulkõõskõõõzz sporttlõnnj tiiudi, juõǩǩ å´rnn puõ´tti nuõrin, o´hjjee´jineez da u´čtee´lineez. Čeä´ppvuõđpeei´vid leä´t riõššum 1970-lååǥǥ aalǥâst ää´ljee´l da Čeä´ppvuõđpeei´vin lij šõddâm sää´mnuõrid vääžnai areena di čeäppõs-staarjõõzzi da še sää´mǩiõl ǩiõččâmvue´jjest. Čeä´ppvuõđpei´vv lij ta´rjjääm vuõssmõs noorõõttâmpoodd ânn’jõõžžâst tobddum sää´mčeä´ppnee´ǩǩid da smellkâ´ttam nuõrid musikkstraarjõ´sse, tea´tter-õõlmtumu´šše, pleässjumu´šše, karttčeäppõ´sse da ǩee´rjtumu´šše. Čeä´ppvuõđpei´vv lij o´dina´kai piiriee´jji sää´mǩiõllsaž nuõripodd Lää´ddjânnmest.

Snimldõõǥǥâst tea´tterǩeâšttõõttmõõžž ärvstõõlli Erkki Hetta, Issát Sámmol Hetta da Pauliina Feodoroff liâ u´vddem maacctõõzzid da vuä´pstõõzzid ´vvel Bohccostallit –jou´ǩǩe.

Hettast seärad da neljdpeei´v 13.-14.3. õ´nnum čeä´ppvuõđpeei´v vä´lddteemmen leäi tea´tter, kåå´tt jää´ǩǩat vä´lddkååddlaž Nuõrr Kulttur-poodd šeâttmõõžžid. Sää´mpooddâst lij lââ´ssen piiriee´jji jiijjâsnallšem sää´mteemm. Ta´nni tõt leäi Nils-Aslak Valkeapää (Áillohaš) šõddâm 70-âkksažmiârkkee´ǩǩ. Nuõrr čeäppnee´ǩǩ vuässõ´tte Áillohaksen teemm-ee´jj mie´ldd riõššum karttčeäppõsǩeâšttõõttmõ´šše õhttse´žže 165 čeäppõstuejjõõzzin, da tiivtǩee´rjtemǩeâšttõõttmõ´šše õhttse´žže 46 tâ´vv- da aanarsää´mǩiõllsaž tivttsin.

Snimldõõǥǥâst pleässjemtea´tterjoukk Spektrolihtat Karigasnjaarǥâst

Spektrolihtat –joukk čuä´jti Váimmustan lea dánsun (Sydämessäni on tanssi)-nõmmsaž hooddlaž pleässjemtea´tterčuä´jtõõzz, koon joukk leäi jiõčč plaanääm da o´hjjääm õõutsââ´jest Merja Pieskin. Jooukâst pleä´ssje Alisa Pieski, Mira Pohjanrinne, Katja Haarla, Birit Haarla, Pinja Pieski da Biret-Inga Pieski.

´vvel vue´llškooul sää´mǩiõllsaž klaassi u´čtee´li Bigga-Helena Magga da Maarit Niittyvuopio o´hjjääm Bohccostallit-joouk čuä´jtõõzz nõmm leäi Čuoikkaid konsearta (Sääskien konsertti). Jooukâst voddõ´tte Ida Grønmo, Sunna Vihervirta, Anna Tervahauta, Fasku-Oskal Magga, Vilho-Simon Mäkinen, Jan-Kristian Magga, Ellenoora Haataja, Sandra Salminen da Lassi-Olavi Mäkinen.

Spektrolihtat- ja Bohccostallit joouk vue´lǧǧe vue´ssmannust võborkâ´stted sää´mnuõrid vä´lddkååddlaž Nuõrr Kulttur po´dde kuulli Teatris-fe´sttvaa´le He´lssna.

Tea´tterǩeâšttõõttmõõžžâst cisttješ lââ´ssen stipeendin Uccjokknjää´lm škooul 0-3-klassnee´ǩǩi Eallu lea dál gárddis (Tokka on nyt aidassa) –nõmmsaž tea´tterčuä´jtõõzz, koon lij o´hjjääm Siv Carita Holm. Nu´bb stipeendin cisttjum Silbasuonat –nõmmsaž joukk voddõõđi, pääiklaž Hetta škooul. Giđa ijat čuovgadat (Kevään yöt niin valoisat)-nõmmsaž čuä´jtõõzz leäi o´hjjääm Iŋgá-Máret Gaup-Juuso.

Karttčeäppõsǩeâšttõõttmõõžžâst čeäppõsciist vuäǯǯjen le´jje õhttse´žže 12 nuõrrâd, koin vitt vuõǯǯu lââ´ssen cisttpeäggtõõzz. Stipeend da cisttpeäggtõõzz vuõǯǯu Olavi Hetta Vuõccust, Aino-Marja Lampela Törmänen -siidâst, Emil Eliasson Kilpisjääu´rest, Elen Ánne Juuso Karesuvanto -siidâst da Elle-Maari Kokkonen Aanrest. Stipeend vuäǯǯjen le´jje Elle Raudasoja Uccjooǥǥâst, Pinja da Alisa Pieski Karigasnjaarǥâst, Jasmin Nuorgam ´vvlest, Sara Keränen ´vvlest, Rosamaria Mattila Karesuvanto -siidâst da Anette Kosonen Vuõccust.

Snimldõõǥǥâst čeäppõstuejjõs, kåå´tt leäi õhttân pue´rmõšân karttčeäppõsǩeâšttõõttmõõžžâst. Tän čeäppõstuejjõõzz čeäppne´ǩǩen leäi Elle-Maari Kokkonen, koon va´lljeeš čeäppõsciist vuäǯǯjen.

Sää´mnuõri čeä´ppvuõđpeei´v riâžži sää´mte´ǧǧ õhttsažtuâjast Hetta škooulin da Johtti Sápmelažžat-õhttõõzzin. Puõ´tti čeä´ppvuõđpeei´v teemmen lij pleässjumuš da tän čeä´ppvuõđpeei´v riâššâmvuârast lij Suä´đjel.