| Ođđ mätt´temǩee´rj i´lmstõ´vve |
|
|
|
Vuâđđmätt´tõõzz tâ´vvsää´mǩiõllsa kuälmadklassnee´ǩǩ vuäǯǯa oođuum jie´nnǩiõl mätt’temǩee´rj Gollegiellan 3 da
viiđadklassnee´ǩǩ ođđ åskldõk mätt´temǩee´rj Násti 5 d tõõzz kuulli tuâjjǩee´rj. Lââ´ssen i´lmstõ´vve nuu´bb
teädldõõǥǥ aanarsää´mǩiõllsa˛ tuâjjǩee´rjest Anarâš pivtâstem, tâ´vvsää´mǩiõllsa˛ jie´nnǩiõl mätt’temǩee´rjest Mu
giella 5-6 da abbâz čõhččlookkâmpââi tuâjjǩee´rjest Áppes, Min meahci máidnasat.
Åskldõõǥǥ mätt´temǩe´rjj Násti 5 da tõõzz kuulli seämmanõmmsa˛ tuâjjǩe´rjj, täk ǩee´rj liâ joortõõzz Kustannusyhtiö Otava čõõđtum Tähti –nõmmsa˛ mätt’temǩee´rjest da tuâjjǩee´rjest. Sää´mǩiõllsa˛ joortõõzzid lij raajjâm Anu Katekeetta. Rääidast lij ääi´jab čõõđtum kuuđad klaass mätt’temǩe´rjj da tuâjjǩe´rjj.
Ella Sarre aanarsää´mǩiõllsa˛ Anaraš pivtâstem –ǩee´rjest lij čõõđtum nu´bb teädldõk. Ǩe´rjj âânn se´st
vuä´ppõõzz aanarsää´m pihttsi valmštumu´šše. Vuõssmõs teädldõõǥǥâst, koon čõõđteš ee´jjest 2012, ǩee´rj le´jje puk
kaaupsum. Tâ´vvsää´mǩiõllsa abbâz Min meahci máidnasat ǩee´rjteei lij Inga Guttorm/ Oahptii Iŋgá da kärtteei Salli Parikka. Raiddu ko´lle abbâz lââ´ssen pååđ tuâjjǩee´rj čõhčč- da ǩiđđlookkâmpõõ´ji diõtt.
Toivo Westi ǩee´rjtem 5-6 klaassi jie´nnǩiõl mätt’temǩee´rjest i´lmstõõvi nu´bb teädldõk. Ǩerjja ko´lle še ääi´jab
čõõđtum tuâjjǩee´rj 5- da 6 –klaassid. Puk ǩee´rj liâ vuäǯǯamnalla Sää´mkultturkõõskõs Sajoozzâst sää´mtee´ǧǧ škoou´l´jem- da mätt’temmaterialkonttrest da Sámi duodji kaaupâst. Ǩee´rjid vuäitt ti´ll’jed ne´ttpåå´štest info(at)samediggi.fi. Lââ´ssteâđaid tä´stt. |
|
| Viimeksi päivitetty ( 18.09.2013 ) |
Jie´nnǩiõl kuälmad klaass mätt’temǩe´rjj Gollegiellan 3 lij Kaaren Kitti tuejjeem. Tuejjeei lij oođääm ǩee´rj tee´ksti
beä´lnn. Ǩe´rjj vuâđđââvv saa´mi maainâsä´rbbvuõ´tte da sää´mǩiõllsa˛ ǩe´rjjla˛vuõ´tte.