| Sää´mte´ǧǧ oudd teâttan, to puõ´tti tuâjjpäi´ǩǩ kåå´tt lij ooccâmnalla, lij |
|
|
|
Lää´ǩǩpiisar ve´rǧǧsâjjõsvuõtt da sâjjõsvuõtt älgg 1.10.2013 da peštt – 31.7.2014 räjja. Lää´ǩǩpiisar vä´lddtuâjjan lij tuåimmjed saa´mi vuõiggâdvuõđid kuõskki aa´šši valmštõõlljen da ää´šš ou´ddepu´httjen sää´mtee´ǧǧ vaaldšmest.
Sää´mtee´ǧǧasetõõzz (1727/95) mie´lddlânji ââ´ntemõõlǥtõssân lij vuõiggâdvuõtt-tiõđ kandidaatt tu´tǩǩõs da saa´mid kuõskki vuõiggâdvuõđla aa´šši tobddmõš. Ve´rǧǧsâjjõsvuõđ o´nnstemvuõđla håiddmõõ veekkad lââ´ssen, vaaldšemvuõđla tuâjai tobddmõš di šiõǥǥ ruõcc-/taarrǩiõl da eŋgglõsǩiõl silttumuš. Pä´lǩǩmõš meä´rrââtt sää´mtee´ǧǧ pä´lǩǩriâšldõõǥǥ vä´ǯǯelvuõđtää´zz III/I-III mie´ldd (vuâđđpä´lǩǩ kõõskâst 2 771,54 – 3 002,48 eu´rred/mp). Lää´ǩǩpiisar tuåimmpäi´ǩǩ lij sää´mkultturkõõskõs Sajoozzâst. Ooccmõõ mie´lddõõzzineez â´lǧǧe tuåimted sää´mtee´ǧǧ piisarkådda 26.9.2013 mõõnee´st, čiâss 16.00 räjja addrõõzzin Sajos, 99870 Aanar. Lââ´ssteâđaid sâjjõsvuõđâst oudd vaaldšemšuurmõs Juha Guttorm, te´l. +358(0)10 839 3102. Sää´mtee´ǧǧ tuåimmjumu´šše vuäitt tobdstõõttâd ne´ttaddrõõzzâst www.samediggi.fi |
|
| Viimeksi päivitetty ( 05.09.2013 ) |