| Sää´mnuõri čeä´ppvuõđpei´vv 2014 riâžžât Suä´đjlest |
|
|
|
Sää´mnuõri čeä´ppvuõđpei´vv 2014 riâžžât Suä´đjel ceerkavsiidâst. Čeä´ppvuõđpeei´vpäi´ǩǩen šâdd lee´d Suä´đjel ođđ sporttpõrtt, kåå´tt lij ceerkavsiid jäärnâǩpääi´ǩest. Čeä´ppvuõđpeei´v vä´lddkååddlaž vuâđđjurddjen lij pleässjumuš. Čeä´ppvuõđpei´vv riâžžât sää´mtee´ǧǧ da Suä´đjel kåå´dd õhttsažtuâjjan.
Sää´mtee´ǧǧ škoou´l´jem- da mätt´tem-material-lu´vddkå´dd tobdstõõđi ođđ sporttpõ´rtte da tu´mmji čeä´ppvuõđpeei´v riâššmõõžžâst Suä´đjlest čõhččmannu 23. peei´v såbbrõššum såbbrest. Čeä´ppvuõđpei´vv riâžžât neä´ttlest 12 le´be 13. Lu´vddkå´dd tu´mmai čeä´ppvuõđpeei´v pei´vvmeä´r puõ´tti såbbrest kålggmannu looppâst.
Čeä´ppvuõđpeei´v vä´lddkååddlaž vuâđđjurddjest, pleässjumuužžâst, tää´rǩab teâđ käunnje seiddõõzzâst http://sottiisimoves.fi/saannot_sa/. Čeä´ppvuõđpeivva ää´rbvuâlžânji kuulli sää´m kulttuu´re kuõskki šlaajjâst jeät leäkku veâl tuejjuum tu´mmstõõǥǥid. Škoou´l´jem- da mätt´tem-materialkoontâr väldd vuâstta et´ǩǩõõzzid, koid vuäitt tuejjeed ne´ttpåå´štest kålggmannu 25. peei´v räjja.
Lââ´ssteâđaid čeä´ppvuõđpeei´vest tä´st. |
|
| Viimeksi päivitetty ( 28.09.2013 ) |