| Sääʹmnuõri čeäʹppvuõđpeiʹvv riâžžât Suäʹđjelist 27.3.2014 |
|
|
|
Sääʹmnuõri čeäʹppvuõđpeiʹvv 2014 riâžžât Suäʹđjel ođđ sporttpõõrtâst pâʹzzlâšttam-mannu 27. peeiʹv. Eeʹjj vuâđđjuurd lij pleässjumuš da sääʹm vuâđđjuurd lij žee´vetkartt. 0-4 klassneeʹǩǩ vuässâʹtte karttčeäppõsǩeâšttõõttmõʹšše, puärrsab snimldõkǩeâšttõõttmõʹšše. Juâkksaž vuäitt vuässõõttâd õõutin kaartin.
Väʹlddkååddlaž pleässjempeiʹvv SottiisiMoves riâžžât Tampere gåårdest 11.-15.6. Čeäʹppvuõđpeivva vaʹlljeet sääʹmnuõri võboršeeʹǩǩ, teʹl ko joukk haaʹlad jååđteeʹjivuiʹm vuässõõttâd čeäʹppvuõđpeivva, håʹt ǩieʹssluõvâsvuõtt lij juʹn älggam. Čeäʹppvuõđpeeiʹv väʹlddkååddlaž vuâđđjurddjest tääʹrǩab teâđaid kaaunak seiddõõzzâst http://sottiisimoves.fi/sottiisi/.
Suäʹđjel čeäʹppvuõđpeiʹvv lij õõutpeiʹvvsaž, leâʹša ǩiččlõõttâp riâššâd aazztumuužž škooul beäʹlnn kuʹǩes määʹtǩ tueʹǩǩen puõʹttjid. Leâʹša jeeʹres pääiʹǩest innstumuš da tõʹst šõddi instemkuuli mäʹhssmõš lij joouk vaʹsttumuužžâst. Tääʹrǩap vuässõõttâmvuäʹpstõõzzid vuõltteet mââibeäʹlnn. Sääʹmteeʹǧǧ dommseeidin lij raportt eeʹjj 2013 čeäʹppvuõđpeeiʹvest.
Škooultõs- da vuä´pstemaaunâskoontâr |
|
| Viimeksi päivitetty ( 05.11.2013 ) |