| Sää´mte´ǧǧ jue´jji stipeendid õllkooultää´zz mätt´tõõđjid |
|
|
|
Sää´mteäǧǧ miõtti õhttse´e kutt 500 ee´ur stipeend sää´mǩiõl da sää´m kulttuur õllškooultää´zz mätt´tõõjđid. Stipeendid juõ´ǩǩeš Sää´mkultturkõõskõs Sajoozz vä´lddurkku´vddjen tuåimmjam Keski-Suomen Betonirakenne Oy sǩiâŋkkâm da sää´mtee´ǧǧ teä´ǧǧväärain. Stipeendid o´cce õhttse´e 18 mätt’tõõtti.
Stipeendid miõtteš puõ´tti mätt´tõõđjid: Inga Påve Idivuoma (Kiiruna/ Sámi allaskuvla), Marjo Magga (Vuõccu/ Sámi allaskuvla), Berit Sonkamuotka (Enontekiö/ Oulu universite´tt), Sierge Rasmus (Jyväskylä/ Oulu universite´tt), Inger-Elle Suoninen (Aanar/ Sámi allaskuvla), Joni Saijets (Karigasniemi/ Oulu universite´tt).
Stipeendin tu´mmji sää´mtee´ǧǧ škoou´l’jem- da mätt’tem-material-lu´vddkå´dd 27.10.2013 såbbrõššum såbbrest. Lu´vddkå´dd tuõtti räädast, što stipendooccmõõ puõ´tte jiânnai, jee´res vuu´din, määŋgin škoou´l´jemvuu´din da kolmmen jännmest. Seämmast lu´vddkå´dd gåårtõõli tõn, stipenden jue´ǩǩem tie´ǧǧ le´jje ooccanj. |
|
| Viimeksi päivitetty ( 05.11.2013 ) |