Sää´mte´ǧǧ oudd teâttan, što puõ´tti tuâjjpäi´ǩǩ lij ooccâmnalla vaaldšemšuurmõõžž mie´rräiggsaž ve´rǧǧ, kåå´tt peštt 1.2.2014 – 31.1.2015 räjja, leâ´ša sätt lee´d, što mie´rräiggsaž ve´rǧǧ peštt kuu´ǩǩab ääi´j. Vaaldšemšuurmõõzz vä´lddtuâjjan lij jåå´đted sää´mtee´ǧǧ halltõõzz vuâlažvuõđâst sää´mtee´ǧǧ vaaldšem, ekonoom da personkåå´dd, tuåi´mme piijjâd sää´mtee´ǧǧ tu´mmstõõǥǥid di plaaneed da ooudâs juä´tǩǩed sää´mtee´ǧǧ tuåi´mmjumuužž.

Ââ´ntemõõlǥtõssân lij ââ´nteei õllškooultu´tǩǩõs di ri´jttjeei ä´šštobddmõš sää´maa´ššid da vaaldšemtuâjaid. Tuâi o´nnstemvuõđlaž håiddmõš ooudald šiõǥǥ jåå´đtemsilttõõzz, tuâjjtobddmõõžž personkå´ddvaaldšmest, ooddid vä´ǯǯlõs da vaađvuâlažvuõđ re´ttlâsttmõ´šše, di šiõǥǥ sää´mǩiõl da lää´ddǩiõl silttõõzz. Ruõcc/taarrǩiõl da engglõsǩiõl silttõs ǩiiččâd ouddõssân. Pä´lǩǩmõš meä´rrââtt sää´mtee´ǧǧ pä´lǩǩmõšriâšldõõǥǥ vä´ǯǯelvuõđtää´zz II mie´ldd (vuâđđpä´lǩǩ lij kõõskin XXXX eu´rred/mp). Tuâjjpää´lǩ lââ´ssen määu´set 24 % sää´mvuu´d lââ´ss da tuâjjtobddmõõžž mie´ldd meä´rrõõtti tuâjjtoobdâlmlââ´zz. Vee´rj tuåimmpäi´ǩǩ lij sää´mkultturkõõskõs Sajoozzâst.

Ooccmõõžž mie´lddõõõzzineez â´lǧǧe tuåimted sää´mtee´ǧǧ piisarkådda 13.12.2013 čiâss 16.00 räjja addrõõzzin Sajos, 99870 Aanar le´be ne´ttpåå´št addrõ´sse Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. Lââ´ssteâđaid mie´rrääi´jvuõđâst oudd saaǥǥjåå´đteei Klemetti Näkkäläjärvi, te´l. +358(0)50 5242109. Sää´mte´ǧǧ lij Lää´ddjânnam sä´mmlai pââimõs tu´mmstõktuâjjorgaan. Sää´mte´ǧǧ ta´rjjad ainutlaatuisen tuâjjpirrõõzz da vuäittmõõžž viikkâd ooudâs sä´mmlai staattuuzz meeršeld da meeraikõskksânji. Sää´mtee´ǧǧ tuåimmjumu´šše vuäitt tobdstõõttâd dommseeidin www.samediggi.fi

Aanrest 14.11.2013 Sää´mte´ǧǧ