| Sää´mte´ǧǧ oudd teâttan, štõ lij piijjâm ooccmõžžân puõ´tti koontârpiisar vee´rj |
|
|
|
Koontârpiisar tuâjain lij mie´rruum sää´mtee´ǧǧ tuâjjriâššmõõžž 29 §:st. Siõtteemvuâđđli´žžen ââ´ntemõõlǥtõssân lij tuâi ooudldem škoou´l’jumuš da lââ´ssen õõlǥtet sää´mǩiõl silttõõzz (sää´mtee´ǧǧest uvddum asetõs 1727/1995).
Vee´rj o´nnstemvuõđlaž håiddmõõžž ooudâs ve´ǩǩe šiõǥǥ sää´mǩiõl njaa´lmilaž da ǩe´rjjlaž silttõs di ri´jttjeei tuâjjtobddmõõžž koontârtuâjain. Vee´rj tiuddumuužžâst jää´ǩǩtet kuuđ mannu ǩiččlõddâmääi´j. Koontârpiisar tuåimmpäi´ǩǩ lij sää´mkultturkõõskõs Sajoozzâst. Pä´lkkmõš meä´rrââtt sää´mtee´ǧǧ pä´lǩǩmõšriâšltõõǥǥ vä´ǯǯelvuõđtää´zz VI da tõ´st II tää´zz mie´ldd (vuâđđpä´lǩǩ 1822,14 eu´rred/mp). Vuâđđpää´lǩ lââ´ssen määu´set 24 %:tt sää´mvuu´d lââ´ss da tuâjjtobddmõõžž mie´ldd meä´rrâ´tte tuâjjtobddâmlââ´zz. Ooccmõõžž mättjem- da tuâjjtuõđštõõzzineez â´lǧǧe vuõltteed sää´mtee´ǧǧ piisarkådda 20.12.2013 čiâss 16.00 räjja addrõõzzin: Sajos, 99870 Aanar. Lââ´ssteâđaid vee´rjest oudd teä´ǧǧpiisar Hilkka Kukkonen, te´l. 010 839 3104. Sää´mtee´ǧǧ tuåimmjumu´šše vuäitt tobdstõõttâd tne´ttaddrõõzzâst www.samediggi.fi |