Teâđtõs mä. vaaldšemjåå´đteei va´lljumuužžâst PDF Tulosta
Sää´mtee´ǧǧ vaaldšemjåå´đtee´jen ää´ljee´l 1.2.2014-31.1.2015 räjja lij va´lljuum Pia Ruotsala, kåå´tt leäi vee´rj o´dinakai oocci. Pia Ruotsala lij sää´mtee´ǧǧ sosial- da tiõrvâsvuõttpiisar. Son lij tuåimmjam mä. vaaldšemjåå´đtee´jen 18.10.2013 ää´ljee´l.  Tuâjj leäi ooccâmnalla 13.11.-13.12.2013 kõskksaž ääi´j. Sää´mtee´ǧǧ tuâjjri⚚mõõžž § 7 mie´ldd saaǥǥjåå´đteei va´lljad mie´rräiggsaž vaaldšemjåå´đteei, mâŋŋa ko lij kuullâm vää´rrsaaǥǥjåå´đtee´jid. Saaǥǥjåå´đteeikåå´dd mie´ldd, ve´rǧǧ ij leäkku taarblaž piijjâd o´đđest ooccâmnalla. ” Lij gåårõ´tti, što vergga leäi tå´lǩ õhtt oocci. Mie´rräiggsažvuõtt lij vuä´niǩ da tuâjj lij vä´ǯǯel, kåå´tt rää´jti ooʒʒji meä´r” Näkkäläjäu´rr mainsti. Sää´mtee´ǧǧ sååbbar priimi 18.12.2013 tuâjjlažkå´ddpolitiikklaž prograamm da tää´ssärvv- da õõut-tää´ss’sažvuõttplaanid, koi tiu´ddepiijjmõš lij älggam. Seämma sååbbar priimmâm ee´jj 2014 mä´hssemplaan ooudald sää´mtee´ǧǧ ekonomiavaaldšem ooudâsviikkmõõžž va´stteed ođđ budjetâ´sttemvue´jj. Puõ´tti sää´mtee´ǧǧ såbbar 19.2.2014 valmštõõllmõš âlgg altteed vaaldšemjåå´đteei jåå´đtem vuâlažvuõđâst. ”Vee´rj o´đđest ooccâmnalla piijjmõ´šše ij leämmaž tarbb nääi´t vuä´nkõs mie´rräiggsažvuõđâst, ko vee´rj ooccjen leäi määi´nid tiuddeei oocci. Sää´mtee´ǧǧ tuâjjlažkå´dd- da ekonomiavaaldšem ooudâsviikkmõš takaisåbbar tu´mmstõõǥǥ mie´lddlânji da alggee´jj tuâi oudlde, što mee´st lij sää´mtee´ǧǧ tuâi, vaaldšem da vee´rj pâ´sttemvuõttõõlǥtõõzz tiuddeei vaaldšemjåå´đteei tiu´ddepiijjmen sää´mtee´ǧǧ tu´mmstõõǥǥid da ooudâsviikkmen sää´mtee´ǧǧ tuåimmjumuužž. Ruotsala lij håiddam o´nnstemnalla vaaldšemjåå´đteei mie´rräiggsažvuõđ”, Näkkäläjäu´rr mainsti.
Viimeksi päivitetty ( 10.01.2014 )
 
‹‹Takaisin