| SaKaste- ha´ŋǩǩõõzz lie åå´n ââ´nnemnalla |
|
|
|
Ee´jjest 2013 puuttâm SaKaste- ha´ŋǩǩõõzz ooudâsmeä´r lie åå´n nee´ttest puki âânnmõõžžâst. Ha´ŋǩǩõõzz ooudâsviikkâmtuâi ooudâsmie´rren tuejjeeš vuäppsid sää´m puärrsi- da vuõsspeâmmamtuõjju. SaKaste- Sä´mmlai sosial- da tiõrvâsvuõttkääzzkõõzzi ooudâsviikkâmraajos-ha´ŋǩǩõõzz čõõđteš ee´jjin 2011 -2013. Ha´ŋǩǩõs leäi PaKaste 2 – Tâ´vv vuu´d Kaste- vuä´ssha´ŋǩǩõs.
SaKaste- ha´ŋǩǩõõzz äi´ǧǧen pue´reeš sää´mǩiõllsaž da ku´lttuu´re vuâđđõõvvi kääzzkõõzzi šlaai, vaikktemvuõđ da vuäǯǯamvuõđ. Lââ´ssen ǩiččlõõđim ǩee´ʒʒeed vooudlaž jeä´rdõõzzid raajee´l sää´mǩiõllsaž da –kulttuu´re vuâđđõõvvi šiõǥǥ tuâjjmõõntõõllmõõžžid da tuåimmjem-maallid.Ooudâsviikkâmtuâjjproseess äi´ǧǧen sää´m tuâjjlai jiijjâz ämmat-identite´tt ravvni da kõskksaž ä´šštobddisäi´mmõs veiddni da âlddni.
Ooudâsviikkâmtuâi tuejjeeš prosessluânddlânji da sää´mkulttuur vue´lǧǧemaalǥin. Sä´mmlai vuõsspeâmmam da puärrsituâi kõõskâst re´ttlõ´stti sää´mǩiõllsaž tuâjjlažkå´dd tuåimmji tuâjj-joukkre´ttlâsttem äi´ǥǥen ooudâsviikkâmä´šštobddjen.
Looǥǥ lââ´zz |