Tuâi o´nnstem håiddmõõžžâst ooudâsve´ǩǩe tõõzz suåppi škoou´l’jumuš, sää´mǩiõl silttõs di ri´jttjeei eŋgglõsǩiõl silttõs. Proje´ktt-tuâjjla pä´lǩǩmõš meä´rrââtt Lää´ddjânnam sää´mtee´ǧǧ pä´lǩǩriâšldõõǥǥ õõlǥtemtää´zz VII/I mie´ldd (vuâđđpä´lǩǩ 1711,31eu´rred/mp). Vuâđđpää´lǩ lââ´ssen määu´set 24 %:t sää´mvuu´d lââ´ss da tuâjjtobddmõõžž mie´ldd meä´rrõõvvi ǩiččlõddâmlââ´zz. Proje´ktt-tuâjjla tuåimmpäi´ǩǩ sâjjdââtt sää´mkultturkõõskõs Sajõõzzâst. Ooccmõõžž mie´lddõõzzineez â´lǧǧe tuåimted sää´mtee´ǧǧ tuâjjlažkådda 2.5.2014 čiâss 16.00 räjja addrõ´sse Sajos, 99870 Aanar. Lââ´ssteâđaid tuâjast oudd sää´m-musikk-kõõskõõzz plaanraajji Anu Magga te´l. 050 567 2204, anu.magga (at) samediggi.fi.

Sää´mtee´ǧǧ tuåimmjumu´šše vuäitt tobstõõttâd ne´ttaddrõõzzâst www.samediggi.fi da Iinte´mes Inn – alggmeerai musikkpo´dde addrõõzzâst: www.ijahisidja.fi Aanrest 14.4.2014 Sää´mte´ǧǧ