SÄÄ´MǨIÕTT-TUĀJAI TUĀJJPÕÕRTID RIĀˇˇĀT JU´N NUU’BB ǨIE´ZZ SAJOOZZĀST JU´N NUU´BB ǨIE´ZZ |
![]() |
![]() |
Aanar siidâst sâjjdõõtti sää´mkultturkõõskõs Sajoozzâst čõõđtet ju´n nuu´bb ǩie´zz ää´rbvuâla˛ da siõmmna ođđsab sää´mǩiõtt-tuâjai tuâjjpõõrtid tän ǩie´zz. Tuâjjpõõrtin ä´rbbvuõđâst peersteei turiist peä´sse tuejjeed sää´mǩiõtt-tuâjaid mä´tǩǩmošttan da kuullât ǩiõtt-tuâjai histoorâst da ä´rbbvuõđâst.
Ǩiõtt-tuâjjpõõrtâst ää´ššla vuä´ǯǯe va´lljeed jee´resnallšem sää´mǩiõtt-tuâjjmaalli kõõskâst sää´mteemmla˛ ä´rbbvuõtt-tuâi da tuejjeet jiõccses mä´tǩǩmoošt ǩiõtt-tuâi vuä´psteei paaldâst. Ǩiõtt-tuâjai tuejjeem kõõskâst ǩiõtt-tuâjjvuä´psteei maainast sää´mǩiõtt-tuâjai histoorâst da ä´rbbvuõđâst di mä´htt son jiõčč tuâjjad ǩiõtt´tuâjaid.
Ǩiõtt-tuâjjpõõrt lie bie´ǩǩ Sajoozz kulttuurla˛ siiskâ˛puu´t’tõõzz ooudâsviikkmõõ˛˛. Ǩiõtt-tuâjjpõõrti mie´rren lij lââ´zztet tobddâmvuõđ da tõnnalla čuõvted teâđ, što sä´mmla lie alggmeer. Ǩiõtt-tuâjjpõõrt čõõđtet õhttsa˛tuâjast Sajoozzâst sää´mǩiõtt-tuâjj kaaup, Duodji Shop vie´ǩǩin.
Jee´resnallšem ǩiõtt-tuâi taarbi mie´ldd
Sää´mǩiõtt-tuâjjä´rbbvuõđ lie puõlvvõõǥǥi mie´ldd jååttam da seillam. Ä´rbbvuõtt-tuâjj sää´mǩiõtt-tuâjast fi´ttjâtt tuâjjveärstõõzzid, mâ´te pihttsid, tuâjjneävvaid, täälltä´vvrid, šeellemneävvaid da hie´rvid, kook lie ǩiõđi tuejjuum. Ânn’jõ˛ääi´jest še ǩiõtt-tuâjai ä´rbbvuõđ lie luâttmateriaalin, ǩiõtt-tuâjaid tuejjeet vuä´mm ärbbvue´jj suåvvtee´l ođđ tuâjjmõõntõõllmõõ˛˛id da ođđ âânnmõ´šše vuu´di mie´ldd.
Sajoozzâst ää´ššla˛ vuäitt tuejjeed ǩie´zz äi´ǧǧen su´nne suåppi äi´ǧǧtaaul mie´ldd tâ´nn- le´be pe´sserǩiõttpää´dd; heä´rvvǩe´rjjõs pe´ssrin, raabbâltuâjjan leântt, kue´ddemsiâkk;pe´sserlaukk; vattjest da pe´ssertuâjjan heä´rvvǩe´rjjõs le´be laauk da čåuddčõkkâz. Ǩiõtt-tuâjjpõõrt tuåimmjumuš lij Sajoozz čuõ´vves jõnnkää´rdest määus vuâstta. Ǩiõtt-tuâjj-joouk â´lǧǧe va´rrjed tuâjjpõrttääi´j, što si´jjid vuei´tet riâššâd taarbše´mmen lââ´ssvuä´pstee´jid.
Sajoozz ǩiõtt-tuâjjpõõrt tuåimmjumuu˛˛ ää´ljee´l 1.7. - 15.8.2014 räjja arggpeei´vi čiâss 11-17.
Sajoozz tän ǩie´zz äävaiåårramääi´j:
Sajos info: vu-pi čiâss 9-17 Duodji shop: vu-pi čiâss 10-17 Sää´mǩe´rjjpõrtt: vu-ti čiâss 13-19, se-ne čiâss 10-17, pi 10-16
Johanna Alatorvinen, markknâ´sttemjåå´đteei, Sää´mkultturkõõskõs Sajos, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , te´l 010 839 3109, www.sajos.fi
Aune Musta, tuåimtemjåå´đteei, Duodji Shop, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , te´l. 0400-637178, www.samiduodji.com
|
|
Viimeksi päivitetty ( 23.05.2014 ) |