| Sääʹmteeʹǧǧ kultturveäʹǩǩvuõđi ooccmõ 2015 |
|
|
|
Sää´mte´ǧǧ oudd teâttan, što sää´mǩiõllsa kulttuur ooudâsviikkmõ´šše da sää´morganisaatiai tuåimmjumu´šše čuä´jtum pue´tti ee´jj 2015 mie´rrtie´ǧǧest (sää´m kultturmie´rrteä´ǧǧ) miõttum veä´ǩǩvuõđ liâ ooccâmnalla. Veä´ǩǩvuõttooccmõõ â´lǧǧe vuõltteed sää´mtegga kålggmannu loopp räjja.
Sää´m kultturmie´rrtie´ǧǧest jue´jjet piiriee´jji ooccmõõâst veä´ǩǩvuõđid sää´mčeäppõõzz da –kulttuur jee´res vuu´did di sää´morganisaatiaid. Sää´mtee´ǧǧ tuâjjriâššmõõ mie´ldd veä´ǩǩvuõđid miõttât kultturveä´ǩǩvuõttân mâ´te proje´kttveä´ǩǩvuõtt, reâuggam- le´be jee´res veä´ǩǩvuõtt da õlmstâ´ttemtuärjjõs di sää´morganisaatiai tuåimmjem- da proje´kttveä´ǩǩvuõttân. Täi lââ´ssen kultturlu´vddkå´dd vuäitt miõttâd mõõn-ne määin diõtt, ooccmõõtää, kultturciist. |