Če'vetjäu'rr – Pulmank –ǩeäin vä'ǯǯelvuõtt
Če´vetjäu´rr - Pulmank -jåå´ttemǩeäinn lij tiõttum da viâhhtum mååžna puârast, da ǩeäin kuâŋŋsest liâ muä´dd meäccǩeâmppad da õhtt tollsââ´jjpäi´ǩǩ. Ǩeäinn lij vä´ǯǯel, tõ´nt ǥu tõt mâânn čuâǥte´mes põõstaijânnam čõõđ. Tät peejj joo´ttja oolǥtummuužž teä´ttemsilttõõzzi diõtt. Lââ´ssen tââ´v tuõddârvuu´d krõõtai vaajtõõvlaž šõõŋ â´lǧǧe vä´ldded lokku.
Jåå´ttemmää´tǩ plaanmest lij šiõǥǥ veä´ǩǩen če´vetjääu´r - Nuorgam virksmõõvvâmkartt.
Luâtt
Ǩeäinast liâ siõmmna âlladvuõttjeä´rdõõzz, da pää´ljes lij eežža pue´rr jåå´tted. Ǩeäin mää´tǩ pue´tǩǩeei jooǥǥ le´be čääccpääi´ǩ mõõnât moost ǩee´jjmie´ldd le´be kää´lee´l le´be troossin va´rrjum võnnsin. Njauddâm- da Pulmankjooǥǥâst liâ sorččaimoost.
Jåå'ttem peeštõs
Jåå´ttmõõžž peeštõ´sse vai´kkte mäŋgg jee´resnallšem ää´šš, koid âlgg vä´ldded lokku, joo´tti friskkvuõtt da måkam šõõŋ liâ. Kõskkmie´rren o´uddnemjå´ttelvuõttân luâđast vuäitt ââ´nned nu´tt 3 ǩm čiâssâst. Ǩeäin vuä´ppõsnallšem jåå´ttemäi´ǧǧ lij 4 - 5 sutkkâd.
Tälvvalaađ- da tuä'lâânnmõš
Čuõiggâmlaatt lij karssum luâđast miâlggât vue´lljânnma. Tälvva jååttmõš lij seârvvna pâi viõǥǥid kõõčči - spä´sseb vaajtõõvlaž šõõŋi da muõttkuâldi. Jåå´ttemǩeäin vue´llǥa ǩeäinnmeârkkõõzz kuâđđje muõtti vuâlla, tõn diõtt ǩie´ssmädd ǩeäinn ij ââ´ned tä´lvvâânnmõ´šše.