Nr 296
Lääʹǩǩ sääʹmlääʹjj muʹttmest
Addojuvvon Heʹlssnest mannu 28 peeiʹv 2001
Riikkpeeiʹvi meäʹrrõõzz mie'ldd muʹtteet täʹlvvmannu 24 peeiʹv 1995 uʹvddum sääʹmlääʹjj (253/1995) 14 §:z 1 momeent, 43 §:z 2 momeent da 60 §:z 1 momeent di lââʹzztet 60 §:sa ođđ 3 momeent da 68 §:sa ođđ 3 momeent nääiʹtaa:
14 §
Läinnäiʹǧǧ da korkk
Läinnäiʹǧǧ lij jäänmõsân 25 eeʹǩǩed. Lääin korkk lij koumm proseent.
43 §
Vuässõõttâmvuõiggâdvuõtt da mieʹrreemväʹldd
Sijddsååbbar lij riâššâmvääldlaž, teʹl ko såbbrest lie 10 tiuddâkksa siidâst põõššinalla jälsteei säʹmmliʹžžed leʹbe sij pieʹlkueiʹmmeez.
60 §
Vieʹljriâššmõõžž vueʹjj
Pääkteʹm vieʹljriâššmest riikkläänai da -vuäǯǯmõõžži väʹstmäʹhssemääiʹj vueiʹtet kuuʹǩǩeed, koork vueʹleed di miõttâd vuännõõzzi da koork mäʹhssmest mäʹhssemluõvâsvuõđid tõnnalla ko šiõtteet asetõõzzin. Mäʹhssemluõvâsvuõđ ij vuäǯǯ miõttâd lääin vuännõʹsse, teʹl ko lääin ti1ggstaan leʹbe läinna muđoi jeeʹresnallšem tuejjumuužžâst uʹvddum staan naʹddsteʹčči vuännõõzz määuʹs. Pâi samai loʹsses vââʹjj diõtt läinnääiʹj pääkteʹm vieʹljriâššmest vueiʹtet kuuʹǩǩeed pâʹjjel 14 §:z 1 momenttist ceälkkum ääiʹj.
Mäʹhssemluõvâsvuõđ vueiʹtet, 1 momenttist nuʹbb ciâlkâst šiõttum cõõggkani, kuuitâǥ miõttâd samai loʹsses vââʹjjin teʹl ko valdiasåbbar asetõõzzin tääʹrkben mieʹrreet. Ko mâka lääinvuäǯǯai lij loopptam riikklääinain tueʹrjjuum jieʹllemvueʹjjes, vueiʹtet mäʹhssemluõvâsvuõđ miõttâd 1 momenttist nuʹbb ciâlkâst šiõttum cõõggkani, ko:
1) lääinvuäǯǯai lij kaaupšam staanân åårram jällmõõžžâs jälstempõõrt da tõzz kuulli mäddkuuʹsǩ lokku vääʹldkani;
2) lääinvuäǯǯai ij vueiʹt mäʹrdnalla spraavdõõttâd lääin väʹstmäʹhssmest põõšši tuâiteʹmesvuõđ, kuʹǩǩäiggsastuâiteʹmesvuõđ, huõlââʹnnemõõlǥtumuužž leʹbe jeeʹres seämmanallšem vââʹjj diõtt; da
3) mäʹhssemluõvâsvuõtt šâdd obbnes lääinvuäǯǯai pueʹrren pueʹreekani seämma ääiʹjest jeeʹres peʹrrjeei vuõiggâdvuõđ vuäǯǯad sij vuäǯǯmuužži määuʹsaid.
68 §
Måtam ooudbu lääʹjjšiõttõõzz vuâlla kuulli tuejjumuužž da vuõiggâdvuõttkõskkvuõđ
Eeʹjj 2002 aalǥâst koork vueiʹtet juõʹǩǩnalla taʹrǩǩeed jäänmõsân kueiʹtin proseentin, nuʹtt što tõk vaʹsttee mâ11a lääin miõttmen takai korkktääʹzzest šõddâm muttõõzzid.
Kaaupšemhââʹdd da lääinai koork takai taʹrǩǩemest meärrad valdiasååbbar.
Tät lääʹǩǩ šâdd viõʹǩǩe valdiasåbbar asetõõzzin šiõttuum ääiʹjest.
Heʹlssnest mannu 28. peeiʹv 2001.
Tääʹssvääʹld Presidentt Tarja Halonen
Mädd- da meäʹcctäällminister Kalevi Hemilä