Nr 400 
Mädd- da meäʹctäällministeria asetõs sääʹmlääʹjj mieldsa teäʹǧǧveäʹǩǩvuõđâst
Alddon Helssnest 15 peeiʹv vueʹssmannust 2001
Mäʹdd- da meäʹctäällministeria tuʹmmstõõǥ mieʹldd šiõtt'teet tälvvmannu 24 peeiv 1995 uvddum sääʹmläkka (253/1995) 65 §:st nuäjjeeʹl:
1 §
Šiõttuumvueʹll
Täʹst asetõõzzâst uvddum sääʹmlääʹjj (253/1995) da sääʹm-asetõõzz (133/1997) täärǩǩup šiõttõõzzi lääinai da veäʹǩǩvuõđi jeänmõsmeäʹrrain. Jõs täʹst asetõõzzâst ij nuʹbbnallo šieʹt‚ jäkktõõlat täʹst peäggtum šieʹttõõzzi mieʹldd läiinai da veäʹǩǩvuõđ jeänmõsmeäraid.
2 §
Määddvuästtmõš
Määddvuäʹsttemlääin tääl‚ tõn vuäzzõõdd leʹbe lââʹssvuuʹvd håmm'mušše vueiʹted lääin miõttâd jeänmõsân 85 proseent vuämšstõõzz håmmamhââʹddest.
3 §
Motorǩeâlkk da jeeʹres meäʹccjååʹttemneävv
Motorǩeâlk da jeeʹres meäʹccjååʹttemneäv håmmõšše vueiʹted veäʹǩǩvuõđ uʹvdded jeänmõsân 65 proseent priimmâm teäʹǧǧââʹnnemkuulin.
4 §
Puõccui håmmam
Šõõǥǥtõspuõccui håmmõšše vueiʹted veäʹǩǩvuõđ uʹvdded jeänmõsân 40 proseent priimmâm teäʹǧǧââʹnnemkuulin. Lââʹssen håmmõšše vueiʹted veäʹǩǩvuõđ uʹvdded jeänmõsân 50 proseent priimmâm teäʹǧǧââʹnnemkuulin.
Puõccui håmmõšše täällââʹnnemvääras kååʹtt lij altteemen vueiʹted veäʹǩǩvuõđ uʹvdded jeänmõsân 35 proseent priimmâm teäʹǧǧââʹnnemkuulin.
Lââʹssen håmmõšše vueiʹted lääin uʹvdded jeänmõsân 60 proseent priimmâm teäʹǧǧââʹnnemkuulin.
Priimmâm teäʹǧǧââʹnnemkuulin ââʹnned jeänmõsân 340 euro õõut puõccu mieʹldd.
Ko meâttee sääʹmlääʹjj mieʹldsaž tuärjjõõzz puäʒʒtäälaid tueʹjjummušše mâŋŋa tuärjjõsvuäʒʒja âlgg leeʹd uuʹccmõsân 80 puäʒʒjällmõõzz.
5 §
Jeeʹres ââʹnnemjällmõš
Jeeʹres luâđjieʹllemvueʹǩǩ- da jeeʹres uʹcclaǥan põrggmest taarblaž pååđaijällmõõzz vääras vueiʹted veäʹǩǩvuõđ uʹvdded jeänmõsân 40 proseent priimmâm kuulin. Lââʹssen håmmõšše vueiʹted lääin uʹvdded jeänmõsân 50 proseent priimmâm teäʹǧǧââʹnnemkuulin.
6 §
Pohttmušraajjmõõžž
Luâđjieʹllemvueʹjji haʹrjjtem vääras lij taarblaž tuejjeem- äitt- aazztem- da kääzzkâʹsttempõõrti raajjmõõžže‚ šuuʹrummuužže da pueʹreemtuejja vueiʹted veäʹǩǩvuõđ uʹvdded jeänmõsân 50 proseent priimmum kuullplaan meäʹrest. Lââʹssen peäggtummui håmmõšše vueiʹted lääin uʹvdded jeänmõsân 40 proseent priimmâm kuul meäʹrest. Kueʹllšeeʹllempõõrti raajjâm vääras vueiʹted veäʹǩǩvuõđ uʹvdded jeänmõsân 40 proseent da lääin jeänmõsân 40 proseent priimmum kuul meäʹrest.
7 §
Uʹccpõrggmuštuåimm
Teäʹǧǧtummust sääʹmlääʹjj 3 §:z 2 momenttist ceälkkum uʹccpõrggmuštuåim ooccai jiijjâsteäʹǧǧvuässõõzz âlgg leeʹd uuʹccmõsân 10 proseent.
Jeäʹrab veäʹrest vuäitt vuässõzz leeʹd uuʹccab-ki.
8 §
Ââʹnnemkapital'lääin
Sääʹmlääʹjj 10 §:st ceälkkum ââʹnnemkapital'lääin,vueiʹtted miõtted jeänmõsân 8400 euro.
9 §
Jeälstummuzz tuõrjjõõttmâš 
Veäʹǩǩvuõđ põõrt da tõõzz kuulli täällraajjmõõžži raajjmužže vueiʹted miõttâd jeänmõsân 45 proseent priimmum kuul meäʹrest. Lââʹssen lääin vueiʹted peäggtummu raajjmužže miõttâd jeänmõsân 45 proseent priimmum kuul meäʹrest. 
Veäʹǩǩvuõđ põõrt da tõõzz kuulli täällraajjmõõžž šuuʹreem da teevvmuužže vueiʹted miõttâd jeänmõsân 50 proseent priimmum meäʹrest. Lââʹssen šuuʹreem da teevvmuužže vueiʹted lääin miõtted jeänmõsân 40 proseent priimmum meäʹrest.
Jälstummust tuõrjjõõzze âlgg vueiʹvvääʹššest ääuǩted nokkam jälstempõõrt kook juʹn lie. Tuõrjjõõzz jälstummupõõrt raajjmuužže juʹn ääiʹjab raajjteʹmes tälla leʹbe vuʹvdde ođđ sääʹmtääl raajjmušše vuäǯǯ miõttâd pâi jeäʹrab veäʹrest.
10 §
Čuâǥǥâsraajjâm‚ čääʹʒʒhåmm'mušše‚ kuânviiǥǥi raajjmuš da šleäʹdgtem raajjmuš Čuâǥǥâsraajjmušše‚ cääʹʒʒ håmm'mušše‚ kuânviiǥǥi da šleäʹdgtem vääras vueiʹted miõttâd jeänmõsân 40 proseent priimmum kuuli meäʹrest. Lââʹssen peäggtummui haŋǩǩõõžžid vueiʹted miõttâd jeänmõsân 50 proseent priimmum kuuli meäʹrest.
11 §
Viõʹǩǩepuättmuž
Tät asetõs puõtt viõʹǩǩe 1 peeiʹv ǩieʹssmannust 2001.
12 §
Serddäiʹǧǧmeäʹrrõs
Tään asetõõz suåvted še tän asetõsse ko tõt viõʹǩǩe puõtt äʹššen leeʹddi ooccmõõzzid.
Hellsnest 15 peeiʹv vueʹssmannust 2001
Mädd- da meäʹctäällministeria Kalevi Hemilä
Halltõspiisar Jukka Mirvo