Nr 322
Valdiasåbbar asetõs saaʹmi määddšiõttõõllâmlääʹjj da sääʹmlääʹjj vuâlla kuulli riikk kaupphâʹddvuäǯǯumuužži da riikklääinai koorǥi taʹrǩǩemest
uʹvddum Heʹlssnest njuhččmään 25 peeiʹv 2002
Valdiasåbbar meäʹrrõõzz mieʹldd, kååʹtt lij rajjum mädd- da meäʹcctäällministeria čuäʹjtõõzzâst, šiõtteet täʹlvvmannu 24 peeiʹv 1995 uʹvddum sääʹmlääʹjj (253/1995) 68 §:z 3 momeent, nåkamnallšem ko tõt lij lääʹjjest 296/2001:
1 §
Riikk kaupphâʹddvuäǯǯumuužž
Saaʹmi määddšiõttõõllâmlääʹjj (593/1969) da sääʹmlääʹjj (611/1984) vuâlla kuulli riikk  kaupphâʹddvuäǯǯumuužžin peʹrrjet koorǥ eeʹjjest jäänmõsân 2,5 prosentted eeʹjj 2002 aalǥâst ooudårra.
2 §
Riikklääin
Saaʹmi määddšiõttõõllâmlääʹjj mieʹldd miõttum lääinain peʹrrjet koorǥ eeʹjjest jäänmõsân 2,5 prosentted eeʹjj 2002 aalǥâst ooudårra. Sarnnum lääʹjj mieʹldd miõttum jälstemlääinai da tõõi mieʹldd miõttum lââʹsslääinai koorǥin šiõtteet kuuitâǥ jeeʹrab.
Sääʹmlääʹjj vuâlla kuulli riikklääinain peʹrrjet koorǥ eeʹjjest jäänmõsân kueʹhtt prosentt pieʹlin. Sarnnum lääʹjj mieʹldd miõttum jeeʹres lääinain peʹrrjet jäänmõsân 2,5 prosentted koorǥ eeʹjjest.
3 §
Veäʹlǧǧšiõttõõlmõõžži vaikktõs
Teʹl ko mâka riikk kaupphâʹddvuäǯǯummuužž leʹbe riikklääin korkk lij muttum põrggi saneerammuužžâst uʹvddum lääʹjj (47/1993), privaatoummu veäʹlǧǧšiõttõõlmest uʹvddum lääʹjj (57/1993), puäqqtäällʹlääʹjj (161/1990), jânnampäiʹǩǩjieʹllemvueʹǩǩlääʹjj (1295/1990), sääʹmlääʹjj (253/1995), jânnampäiʹǩǩ-jieʹllemvueʹjji teäggtemlääʹjj (329/1999) leʹbe puäʒʒtääl da luâttjieʹllemvueʹjji teäggtemlääʹjj (45/2000) vuâlla kuulli veäʹlǧǧšiõttõõlmõõžžin, peʹrrjet muʹttum koorǥ tõn ääiʹjest, ko muuttâs lij viõǥǥâst.
4 §
Viõʹǩǩepuättmuš
Tät asetõs sâdd viõʹǩǩe vueʹssmannust 1 peeiʹv 2002.
Heʹlssnest njuhččmään 25 peeiʹv 2002
Mädd- da meäʹcctäällminister Raimo Tammilehto
Halltõspiisar Jukka Mirvo