Nr 870 
Mädd- da meäʹcctäällministeria asetõs sääʹmlääʹjj mieʹlddsaž jäänmõspuåđraajjin
Uʹvddum Heʹlssnest čõhččmannu 22 peeiʹv 2004
Mädd- da meäʹcctäällministeria tuʹmmstõõǥǥ mieʹldd šiõtt'teet täʹlvvmannu 24 peeiʹv 1995 uʹvddum sääʹmlääʹjj (253/1995) 5 §:z 3 moment mieʹldd:
1 §
Tuäʹrrjjõõzz sääʹmlääʹjj mieʹldd vueiʹtet uʹvdded ooumže, koonn puåtti, jeeʹres ko sääʹmlääʹjjest mieʹrruum põõrǥâstuejjumuužžâst, lie jäänmõsân 32 000 eurrâd eeʹjjest. Pieʹllkueiʹmi diõtt vaʹstteei õhʹttepiijjum puåtti vuäǯǯa leeʹd jäänmõsân 42 000 eurrâd.
2 §
Puåtti mieʹrǩǩee tän asetõõzzâst valdiapiiđ vuâlaž obbpuåttjid, koin lij valddum meädda kuulid, kook lie šõddâm puåttji haʹ1ǩǩemest. Puåttjin jeät õʹnnu kuuitâǥ tuâiteʹmvuõđstaanlääʹjj (1290/2002) mieʹlddsaž vuâđđpeiʹvvtieʹğğ ij-ǥa tuâjjmarkkântueʹrjjõõzz, paalǥâskooʹddin vuõǯǯum pääʹlǩ ij ni nåkam puåttjid, kook vueiʹtet ǩiõččâd sättnaž.
3 §
Puåttjid tuõttât ouddâl tuʹmmjemvuâlaž puättamääiʹj tuåimtum mââimõs piiđin tuõttum piiđvuâlaž puåttji mieʹldd lokku vääʹldeeʹl kuuitâǥ ärvtõllum leʹbe muđoi tuõttum muttõõzz puåttjin.
4 §
Tät asetõs šâdd viõʹǩǩe čõhččmannu 29 peeiʹv 2004.
Täin asetõõzzin kååʹmtet mädd- da meäʹcctäällministeria njuhččmannu 7. peeiʹv 2000 ouddam asetõõzz (349/2000) sääʹmlääʹjj mieʹlddsaž puåđraajjin.
Heʹlssnest čõhččmannu 22 peeiʹv 2004
Mädd- da meäʹcctäällminister Juha Korkeaoja
Halltõspiisar Jukka Mirvo