Nr 839 
Riikksåbbar asetõs kuäʹcǩǩmi puäʒʒtallu tueʹjjääm skääđai koʹrvvemest uʹvddum asetõõzz 3 §:z muʹttmest
Uʹvvdum Heʹlssnest kålggmannu 20 peeiʹv 2005
Riikksåbbar tuʹmmstõõǥǥ mieʹldd, kååʹtt lij rajjum pirrõsministeeria čuäʹjtõõzzâst, muʹtteet kuäʹcǩǩmi puäʒʒtallu tueʹjjääm skääđai koʹrvvemest ođđeeʹjjmannu 3 peeiʹv 2002 uʹvddum asetõõzz (8/2002) 3 § nääiʹt:
3 §
Koʹrvvõõzz mieʹrr
Koʹrvvõõzz teäʹǧǧmeäʹr vuâđđan lij laʹsǩǩeemnallšem skääđ ärvv ǩeârdduum 2 momenttist, 4 §:z 2 momenttist leʹbe 5 §:z 1 momenttist mieʹrruum ǩeârddõõzzin.
Laʹsǩǩeemnallšem skääđ ärvv ǩeârddõõzzin õhtt lij 516 eurrod.
Reviir mieʹlddlaž ǩeârddõs kuäʹcǩǩem jälstem reviirin lij õhtt, jeeʹreåʹrnn ko 4 §:sest sarnnum paalǥâskooʹddi vuuʹdin. Nåkam reviir, koʹst ääiʹjab lij jälstum, ǩiõččât õin jälstum, ko mâka tõʹst lij tuõttum hiârvtum pieʹss leʹbe tõʹst lie leäm ââʹlj kueiʹt ooudab eeʹjj. Teʹl ko kuäʹcǩǩem jälstem reviirist šâʹdde ââʹlj, ǩeârddõs lij kuuitâǥ koumm.
Tät asetõs šâdd viõʹǩǩe kålggmannu 30 peeiʹv 2005.
Heʹlssnest kålggmannu 20 peeiʹv 2005
Pirrõsminister Jan-Erik Enestam
Halltõspiisar Heikki Korpelainen