Nr 427
Lääʹǩǩ sääʹmlääʹjj muʹttmest
Uʹvddum Helssnest njuhččmään 13. peeiʹv 2007
Riikkpeeiʹvi meäʹrrõõzz mieʹldd muʹtteet täʹlvvmannu 24 peeiʹv 1995 uʹvddum sääʹmlääʹjj (253/1995) 20 §:z 1 momeent, 55 §:z 1 momeent da 65 §:z pâʹjjǩeeʹrjtõõzz da 2 momeent, nåkamnallšem ko tõin lie 20 §:z 1 momentt da 65 §:z 2 momentt lääʹjjest 276/2004 da 55 §:z 1 momentt lääʹjjest 1379/2004, nääiʹtaa:
20 §
Kååccmuš
Mädd- da meäʹcctäällministeriast, Jânnampäiʹǩǩpravleeʹnn'jast da tuâjjviõkk- da jieʹllemvueʹǩǩkõskksest lij vuõiggâdvuõtt raajjâd ooudpeäʹlnn iʹlmmtekani tän lääʹjjest mieʹrruum veäʹǩǩvuõđi, lääinai da jeeʹres tuäʹrjjõõzzi miõttmõʹšše, mähssmõʹšše da âânmõʹšše kuulli oudldõõzzi da määiʹnai jäkktõõllmuužž vuâppmõõžžâst taʹrbbes taʹrǩǩumuužžid.
55 §
Tiuʹddepiijjâmveʹrǧǧneeʹǩǩ
Mädd- da meäʹcctäällministeria, Jânnampäiʹǩǩpravleeʹnn'ja, Sääʹmjânnam tuâjjviõkk- da jieʹllemvueʹǩǩ-kõõskõs, Aanar kååʹdd jânnampäiʹǩǩjieʹllemvueʹǩǩveʹrǧǧneǩ da Meäʹcchalltõs raʹddje tän lääʹjj viõʹǩǩepiijjmõõžžâst. Mädd- da meäʹcctääll ministeria vuäitt uʹvdded tääʹrǩab šiõtt'tõõzzid mõõntõõlmin, mâid jäʹǩǩtõõlât tän lääʹjj tiuʹddepiijjmest.
65 §
Tääʹrǩab šiõttʹtõõzz da meäʹrrõõzz
Mädd- da meäʹcctääll ministeeria asetõõzzin vueiʹtet uʹvdded lääʹjj da asetõõzz tääʹrǩab šiõtt'tõõzzid tuäʹrjjõõzz uʹvddmest da tuäʹrjjeemtaaʹzzin. Jânnampäiʹǩǩjieʹllemvueʹǩǩpravleeʹnn'ja oudd meärrõõzz kaupp- da veäʹlǧǧǩeeʹrji kaaʹvin, ooccâm- da tuʹmmstõk-kaaʹvin di jeeʹres kaaʹvin, koid taarbšet tän lääʹjj tiuʹddepiijjâm diõtt.
Tät lääʹǩǩ šâdd viõʹǩǩe ǩiđđmannu 1 peeiʹv 2007.
Ouddâl ko tät lääʹǩǩ šâdd viõʹǩǩe vueiʹtet altteed tän lääʹjj tiuʹddepiijjmõõžž kuulli tuåimid.
Helssnest njuhččmään 13. peeiʹv 2007
Tääʹssvääʹld Presidentt Tarja Halonen
Mädd- da meäʹcctäällministeria Juha Korkeaoja