Nr 593 
Valdiasååbbar asetõs sääʹm-asetõõzz muttmõõzzâst
Uvddum Helssnest 16 peeiʹv vueʹssmannust 2007
Valdiasååbbar tuʹmmstõõǥǥ mieʹlddsažžest, kååʹtt lij tuejjuum mädd- da meäʹctäällministeria čuaiʹjtemmest, kåʹmmted 14 peeiʹv täʹlvvmannust 1997 uvddum sääʹm-asetõõzz (133/1997) 31 §:z 7 päiʹǩǩ, muʹtted 26, 27 da 32 § da še lââʹzzted 31 §:až ođđ 2 momentt, nuäjjeeʹl:
26 §
Lääinai, kaupphââʹdd da kuullvuässađ peʹrrjummuž
Lääinai, kaupphââʹddi da kuullvuässadvuõđi vuänummuužži da koorki mahssupiijjmest, kueʹddmest da tilittemest âlgg suåppi sõõʹji jäkktõõllâd, mâiʹd šiõtt'teet riikk teäʹǧǧvuäǯǯmuužži mahssupiiʹjjmest, kueʹddmest ja tilittimmest uvddum asetõõzzâst (559/1967) meäʹrreed ko kõõččmest liâ tõst ceälkkum vuäǯǯmuužž. Kueʹddemveʹrǧǧneʹǩǩen lij seža Valdiakoonttâr.
27 §
Leiʹǧǧvuänummuš
Veälǥlaž da Valdiakoonttâr vueiʹtte suåppâd mååusadmähssuužži mäʹhssmest da leiʹǧǧvuänummuužži mäʹhssmest da tööi vaiggtõõzzâst mäʹhssemnalla šõddi vuänummuužžid. Leiʹǧǧvuänummužžâst huõlkani âʹlǩǩe korkkvuâr mäʹhssed määuskâni kapitaale pueʹtti peeiʹv tõʹst vuänummuužž liâ mahssum.
31 §
Lääin luõvâsceälkkmuš
Valdiakoonttâr vuitt lââʹssen meäʹrreed lääin obbnes lebe pieʹǩǩnes tõʹst saraz mäʹhssed mååusad, jõs koorǥ lebe vuänummuužži mäʹhssmuš lij mâʹŋŋnumuš kuuʹǩǩab ko koumm määnpââi mieʹrrerpeeiʹvest looǥǥeel.
32 §
Kaupphââʹddvuäǯǯmuužž luõvâsceälkkmuš
Tuejjviõkk- da jieʹllemvueʹǩǩkruugi vuäitt luõvâscieʹlǩǩed riikk kaupphâʹddvuäǯǯmuužž, sääʹmlääʹjj 33 §:z 1 momentist õõlǥtum kuulvuässadvuõtt mieʹldd looǥǥel, obbnes lebe pieʹǩǩnes saraz mååusadmäʹhssed šiõtteeli sõõʹjin seämma vuâđđõõzin ko läinn vueiʹttet luõvâscieʹlǩǩed õõuʹdpeäʹlnn 31 §:z 1 momentt 2 da 4–11 sõõʹji mieʹldd. Tuejjviõkk- da jieʹllemvueʹǩǩkruugi vuäitt luõvâscieʹlǩǩed vuäǯǯmuužž obbnes lebe še tâʹl, jõs täälast lebe lââʹssvuuʹdest åårri raajlmid jeäʹt leäkku ååsktum tiiud ääʹrvest. Valdikoonttâr vuäitt lââʹssen luõvâscieʹlǩǩed riikk kaupphâʹddvuäǯǯmuužž jääʹǩǩteel, mâiʹd 31 §:z 2 momentist šiõtt'teed.
Tät asetõs puõtt viõʹǩǩe 23 peeiʹv vueʹssmannust 2007.
Tään asetõõzz suåvvteed 1 peeiʹvest vuessmannust 2007. Ääʹšši, kook liâ jorddmõššân 30 peeiʹv njuhččmään 2007, suåvvteed leikkâ ceälkkum ääiʹjpood viõkkân leeʹddi šiõtt'tõõzzid.
Hellsnest 16 peeiʹv vueʹssmannust 2007
Mädd- da meäʹctäällministeria Sirkka-Liisa Anttila
Puärrsab halltõspiisar Katriina Pessa