Nr 911 
Riikksåbbar asetõs kuäʹcǩǩmi puäʒʒtallu tueʹjjääm skääđai koʹrvvemest uʹvddum asetõõzz 3 §:z muʹttmest
Uʹvvdum Heʹlssnest kålggmannu 18 peeiʹv 2007
Riikksåbbar tuʹmmstõõǥǥ mieʹldd, kååʹtt lij rajjum pirrõsministeeria čuäʹjtõõzzâst, muʹtteet kuäʹcǩǩmi puäʒʒtallu tueʹjjääm skääđai koʹrvvemest ođđeeʹjjmannu 3 peeiʹv 2002 uʹvddum asetõõzz (8/2002) 3 § 1 momeentt, nåkamnallšemen ko tõt lij asetõõzzâst 903/2006, nääiʹtaa:
3 §
Koʹrvvõõzz mieʹrr
Koʹrvvõõzz teäʹǧǧmeäʹr vuâđđan lij laʹsǩǩeemnallšem skääđ ärvv ǩeârdduum 2 momenttist, 4 §:z 2 momenttist leʹbe 5 §:z 1 momenttist mieʹrruum ǩeârddõõzzin.
Laʹsǩǩeemnallšem skääđ ärvv ǩeârddõõzzin õhtt lij 426 eurrod.
Tät asetõs šâdd viõʹǩǩe kålggmannu 30 peeiʹv 2007.
Heʹlssnest kålggmannu 18 peeiʹv 2007
Pirrõsminister Kimmo Tiilikainen
Halltõsduumšeǩ Hannu Karjalainen