992/2011
Lääʹǩǩ sääʹmlääʹjj 8 §:f muʹttmest
Uʹvvdum Heʹlssnest påʹrǧǧmannu 26 peeiʹv 2011
Riikkpeeiʹvi tuʹmmstõõǥǥ mieʹlddsânji muuʹttet sääʹmlääʹjj (253/1995) 8 §:f 1 momentt, nuʹtt mäʹhtt tõt lij lääʹjjest 55/2000, puõʹttinalla:
8 §
Jeeʹres lääʹjjšeâttmõõžž mieʹlddsa tuärjjeemtuåimin 
Sääʹmvuuʹdest tuåimmjeei paalǥâskooʹddid tuärjjeet puäʒʒtääl da luâttjieʹllemvueʹjji raajõstuärjjõõzzi mieʹldd uʹvddum lääʹjj (986/2011) mieʹlddsânji. Muđoi tän lääʹjj 4 §:fâst jurddum nuõrttsäʹmmlaid miõttât puäʒʒtääl da luâttjieʹllemvueʹjji raajõstuärjjõõzzin uʹvddum lääʹjjest jurddum ouddõõzzid vaʹstteei ouddõõzzid tän lääʹjj mieʹlddsânji.
Tät lääʹǩǩ puätt viõʹǩǩe valdiasåbbar asetõõzzin šiõtteem ääiʹjpoddân.
Tän lääʹjj viõʹǩǩe šõddmest tuʹmmjem vueʹlnn åårrai äšša, suåvvtet lääʹjj viõʹǩǩe šõddmest viõʹǥǥâst åårrai šeâttmõõžžid.
Heʹlssnest påʹrǧǧmannu 26 peeiʹv 2011
Tääʹssvääʹld Presidentt Tarja Halonen
Mädd- da meäʹcctäälminister Jari Koskinen