43/2012
Mädd- da meäʹcctäällministeria tuʹmmstõk sääʹmlääʹjj mieʹlddsai jäänmõspuåđraajin
Uʹvddum Heʹlssnest täʹlvvmannu 23 peeiʹv 2012
Mädd- da meäʹcctäällministeria tuʹmmai täʹlvvmannu 24 peeiʹv 1995 uʹvddum sääʹmlääʹjj (253/1995) 5 §:f 3 momeent nuäjin:
1 §
Sääʹmlääʹjj mielddsai tuärjjõõžžid miõttâmpoodd jeeʹres ku sääʹmlääʹjjest jurddum põõrǥâstuejjumuužžâst vuõǯǯum puåtti vueiʹtte leeʹd jäänmõsân 42 600 euʹrred eeʹjjest. Pieʹllkueiʹmi peäʹlest seämmaååraš õʹhttelaʹsǩǩuum puåtti vuäʹǯǯe leeʹd jäänaš 55 900 euʹrred.
Ooudpeäʹlnn 1 momeentest jurddum obbpuåttji jäänmõsmieʹrid pââʹjeed 2 100 eeuʹrin juâkksast ooccipiârkådda kuulli päärnast, kååʹtt iʹllakku tiuddâm 18 eeʹǩǩed tõn kaʹlndareeʹjj loopp mõõneeʹst, kuäʹss tuärjjõõzz occât.
2 §
Puåđin juuʹrdet tän tuʹmmstõõǥǥâst valdiapiiđâst piiđvuâlaž obbpuåttjid, koʹst liâ ǩieʹppuum puåttji haʹŋǩǩõõzzâst šõddâm kuul. Puåttjen jeät õʹnnu tuâiteʹmvuõđstaanlääʹjj (1290/2002) mieʹlddsa tuâiteʹmvuõttouddõõzz, paalǥâskooʹddin vuõǯǯum päʹlǩǩpuåtti jeätka ni nåkkam puåttjid, koid vueiʹtet ǩiõččâd čiõlggsânji pooddi mieʹldd šõddi tuâjjan.
3 §
Puåtti tuõđât ääʹšš ǩiõtt'tõõllâm pueʹttemääiʹj oudldum mââimõõžžâst tuåimtum piiđâst tuõttum piiđvuâlaž puåttji vuâđast, lokku vääʹldeeʹl seârvvna ärvvtõllum leʹbe mudoi tuõttâmnalla åårrai puõttjin šõddâm muuttõõzzid. 
4 §
Õhttsažkooʹddi valdiapiiđâst piiđvuâla puåttji mieʹrren vääʹldet lokku tõn õhttsažkååʹdd vueʹssbeäʹl leʹbe vuässla da suu pieʹllkueiʹmes puåtti, koon puåtti liâ šuurmõs.
5 §
Tät tuʹmmstõk puätt viõʹǩǩe täʹlvvmannu 31 peeiʹv 2012.
Tän tuʹmmstõõǥǥ suåvvtet ooccmõõžžid, kook puäʹtte ǩiõtt'tõõllâm vuâlla, teʹl ko tuʹmmstõk lij puättam viõʹǩǩe. 
Heʹlssnest täʹlvvmannu 23 peeiʹv 2012
Mädd- da meäʹcctäällminister Jari Koskinen
Saaǥǥstõõlli veʹrǧǧooumaž Sirpa Karjalainen