Der alejn-opshats hot a batajtike hashpoe ojfn lebns-shtejger un ojfn vojlzajn fun a mentshn. A shtarker alejn-opshats iz gorem du zolst ton gute zachn far zich, du zolst zich dervegn tsu ton dos vos es glust zich dir tsu ton, du zolst zich farbindn mit naje chavejrim, un kenen onnemen oder opzogn zich tsu ton dos tsi jents.
Ojb, farkert, du host a shvachn alejn-opshats, ken dos dich ophaltn fun ton zachn velche du vilst beemes ton. S'ken zajn az anshtot tsu ton dos vos du vilst, tustu faktish dos vos du vilst nisht, oder du tust zachn far andere mer vi far zich alejn.
Alejn-opshats un alejn-tsutroj zenen nisht dos zelbe
Di bagrifn alejn-opshats un alejn-tsutroj vern a mol farmisht, chotsh dos zenen vajt nisht di zelbike zachn.
Alejn-tsutroj hot tsu ton mit dergrejchungen un mit dajn gefil, vifl un vi gut du mejnst az du vest bavajzn ojftsuton.
Alejn-opshats hot tsu ton mit der frage, vi azoj du zest beemes zich alejn, nemendik in acht dajne shtarke un shvache zajtn.
Ojb du host a shtarkn alejn-opshats verstu nisht tsu shtark baajnflust fun dem vos andere trachtn vegn dir. Du dervegst zich tsu zajn take dos vos du bist alejn. Es macht dir nisht ojs vos nisht ale mejnen az du bist der bester in dem vos du tust.
Ojb du host, farkert, a shvachn alejn-opshats, ken geshen du zolst zich filn zejer getrofn, tsum bajshpil ven emetser zogt epes dajn ojszen.
Di farbindung tsvishn kojech un alejn-opshats
S'iz faran a farbindung tsvishn alejn-opshats un dem kojech vos a mentsh farmogt ontsufirn mit zajn ejgn lebn.
Ven du filst az du kenst onnemen bashlusn ojf ejgenem barot un virkn ojf dajn ejgn lebn, vet dir zajn lajchter tsu bakumen a shtarkern alejn-opshats.
S'ken ober geshen az dajn alejn-opshats zol farshvacht vern ven du filst zich umbaholfn. Du kenst, tsum bajshpil, filn az s'iz dir shver tsu bavirkn dajn matsev ven du zuchst shojn lang an arbet un kenst nisht gefinen, oder ojb du vojnst tsuzamen mit mentshn vos, ojf farshejdene ojfns, bagrenetsn dajn frajhejt.
Simonim fun a gutn alejn-opshats
Der alejn-opshats ken zajn shtarker oder shvacher in farshejdene tsajtn fun lebn un ken zich ojch endern in farshejdene situatsies. Du vest derkenen az du host a gutn alejn-opshats ven:
- Du filst az du bist "gants in ordenung", chotsh du bist nisht shtendik matsliech in altsding.
- Du filst az es kumt dir a fule onerkenung, az me zol dich ojshern un respektirn.
- Du dervegst zich tsu zogn mentshn vi du filst zich un vos du trachst.
- Du nemst on dem fakt az nisht ale hobn dich lib.
- Du filst zich fraj ontsunemen oder opzogn zich fun ton dos tsi jents.
- Du bist mesugl tsu betn hilf ven s'iz nejtik.
- Du filst az s'iz kedaj tsu zorgn far zich un ton bafridikndike zachn kedej tsu dergrajchn a gevis volzajn.
- Du host nisht mojre far a durchfal.
- Du host a bakvemen kontakt mit jenem.
- Du dervegst zich tsu zajn take dos vos du bist alejn.
- Du dervegst zich tsu nemen farantvortlechkejt far dajne majsim.
- Du kenst zich mojde zajn in dajne teusn un betn antshuldikung ojb du host emetsn getrofn.
- Du filst az du bamist zich tsu ton alts azoj gut vi es lozt zich nor.
- Du bist mesugl zich alejn tsu lojbn un balojnen.
Simonim fun a shvachn alejn-opshats
Du vest derkenen az du host a shvachn alejn-opshats ven:
- Du filst zich shofl, gefaln baj zich.
- Du tust zachn vos zenen nisht gut far dir.
- Du majdst ojs tsu farbrengen in gezelshaft.
- Du majdst ojs ontejl tsu nemen in aktivitetn un tsu pruvn naje zachn.
- Du bamist zich, ojf dajn ejgenem chezhbm, tsulib tsu ton frajnd un krojvim.
- Du majdst ojs tsu monen di onerkenung un dos ort vos kumt dir in farshejdene situatsies.
- Du bist oft mekane andere.
- Du filst zich zejer dershlogn ven du lajdst a durchfal.
A shvacher alejn-opshats ken ojch brengen tsu an agresivn ojffir, vi lemoshl opshtojsn, rojdfen oder ton shlechts jenem. Es ken ojch derfirn tsu pruvn ojsbahaltn dem shvachn alejn-opshats durch farmestn zich tsu zajn der bester umetum oder durch ojfgeblozener barimeraj.
Fun vanen nemt zich a shvacher alejn-opshats?
Es kenen zajn a sach sibes tsulib velche me ken hobn a niderikn alejn-opshats. Jeder ejner nejtikt zich in gefil fun pozitiver opshatsung, onerkenung un respekt tsu dem vos men iz alejn.
Der alejn-opshats vert opgeshvacht baj a mentshn vos hot zich ongehert kindvajz mit bamerkungen az er oder zi iz nisht genug gut, tojg tsu gornisht oder iz a shterung.
Derbaj ken geshen, baj emetsn vos hot bakumen lojbnde oprufn der iker nor ven er oder zi hot zich ojsgetsajchnt mit gute dergrajchungen, tsum bajshpil baj sportfarmestn oder baj ekzamens in shule, az es zol zich shafn a gefil az di alejnvert iz farbundn mit di ojftuen un nisht mit di ejgene majles funem mentshn. Nisht-genugendike achtung un onerkenung in der kindhejt hobn ojch a negative virkung ojfn alejn-opshats. Dos merkt men lemoshl in faln ven di eltern oder apetropsim zenen oft nishto in der hejm, zenen krank, chapn iber di mos mit alkohol oder drogn, oder bavajzn nisht optsutejln genug fun zejer tsajt letojves di kinder.
Dos gefil fun alejnvert vert take shtark bavirkt durch di badinungen kindvajz, nor in dem prat zenen tejl mentshn fun onhejb on shpirevdiker vi andere. Di sensitivere nemen zich shtarker iber un dos ken mashpie zajn tsum shlechtn ojf zejer shpeterdikn alejn-opshats.
Nor vos es zol nisht zajn di sibe fun a shvachn alejn-opshats - s'iz shtendik meglech dos tsu farbesern.
Zich filn andersh, ojsgeshlosn, un farglajchn zich mit andere
Ejn faktor vos ken virkn ojf dem alejn-opshats iz di mos farglajchn tsvishn a mentsh un zajn mishpoche oder di mentshn arum im. Ojb lemoshl ale arum dir hobn lib sport un du bist in gantsn nisht farintresirt in dem, ken zich baj dir antviklen a gefil az me farshtejt dich nisht un dos ken opshvachn dajn alejn-opshats. Andere zachn vos kenen virkn tsum shlechtn ojfn alejn-opshats zenen:
- Dos filn zich ojsgeshlosn oder gerojdeft.
- Dos zajn on arbet.
- Shverikejtn baj onnemen vokige bashlusn in lebn, tsum bajshpil ojfn gebit fun bildung oder bajm ojsklajbn a fach.
- A vakeldik psichologish gezunt mit, lemoshl, gefiln fun angst un atsves.
- Ofte farglajchn mit hatslochedike mentshn fun der ejgener svive oder fun di medja. Vos mer me fodert fun zich alejn - matsliech zajn in ale tchumen, zajn tsutsijendik, zajn balibt baj alemen - alts shverer vert tsu dergrajchn di ale tsiln un blajbn tsufridn mit zich.
Vi grojs s'iz der alejn-opshats iz nisht shtendik klor far a drojsndikn
S'iz shver far a zajtikn tsu visn vos a mentsh filt un tracht vegn zich alejn. Afile baj a mentshn vos zet ojs tsu zajn di hatsloche alejn - ful mit chejn, derfolg in shule oder baj der arbet, a sach chavejrim - ken in der emesn gemolt zajn zejer a shvacher alejn-opshats un a gefil fun umtojgevdikejt.