Hilsen fra kretslederen	Yhistyksen johtaajan tervheiset
Den 2. mai 1920 ble Finnmark Fotballkrets stiftet.	2. maikuuta vuona 1920 perustethiin Finmarkun jalkapalloyhistyksen.
Den første formann var Trygve Lund fra Vardø.	Ensi esimies oli vuorealainen Trygve Lund.
Deling av fotballfylket i trettiårene førte til at øst-midt-vest fikk hver sin krets.	Ko jalkapallofylkin jajethiin 1930-luvula, saathiin öystä-, keski- ja vestapuolet oman yhistyksen.
I 1985 ble kretsene slått sammen til en krets igjen.	Vuona 1985 panthiin nämät yhistykset taas yhtheen.
I løpet av disse 100 årene er det spilt tusenvis av kamper og scoret hundretusenvis av mål.	Viimi sajan vuojen aikana oon tuhannet kampit pelattu ja sajattuhanet pallot potkittu moolhiin.
Hendelser i vår historie som krig, tvangsevakuering, nedbrenning og nå koronasituasjonen, har ført til flere alvorlige tilbakeslag for fotballen og idretten i hele fylket.	Tapattumat meän histuuriissa, niin ko sota, pakkoevakueerinki, fylkin polttaminen ja nyt koronasituasjuuni, oon olheet vastukset jalkapallole ja sportile koko fylkissä.
I jubileumsåret må vi bygge videre på det sterke samholdet, stoltheten og idrettsgleden som til alle tider har preget krets, klubber og lokalsamfunn i Finnmark.	Jubileumivuona hääymä jatkaat sen lujan yhtheenpion, ylppeyen ja sportti-ilon mikkä läpi aijat oon färjänheet yhistyksen, klubit ja paikalissamfynnit Finmarkussa.
Det bringer oss alltid videre.	Se viepi meän jammisti etheenkäsin.
Tilbakeslagene blir bare hendelser som gjør at vi setter oss nye mål for fotballen som betyr så mye for oss alle.	Vastukset oon tyhä tapattumat mikkä saajhaan meän laittamhaan uussii moolii jalkapalloo varten, mikä merkittee niin paljon meile kaikile.
Fra stiftelsen og fram til krigsårene gjorde klubber fra Finnmark seg bemerket i den nord-norske cupen.	Perustamisesta kiini sotavuoshiin saakka Finmarkun jalkapalloklubit tehthiin ittensä näkkyyviksi pohjaisnorjalaisessa cupissa.
Vi fikk vår første nordnorske seriemester i 1968 da IL Stein slo Bodø/Glimt 3-1 i Bodø.	Saima meän ensi pohjaisnorjalaisen seeriämestarin vuona 1968 ko IL Stein voitti 3-1 yli Bodø/Glimtin Bodøssä.
Porsanger ILs damer ble norgesmester i Futsal i 2017.	Porsanger ILin vaimot tulthiin Futsalin norjanmestarit vuona 2017.
I korte perioder har vi også deltatt på toppnivå med Alta IF (herrer) og BUL (damer) i 1.divisjon.	Lyhykäisissä periuudiissa olema kans olheet myötä korkkeimalla tasala Alta IFin kans (miehet) ja BULin kans (vaimot) ensimäisessä divisjuunissa.
Finnmark Fotballkrets er en breddekrets.	Finmarkun Jalkapalloyhistys oon amatööriyhistys.
Det har aldri forhindret oss i å levere spillere til toppnivå på både klubb- og landslag fra aldersbestemt til senior.	Se ei ole koskhaan estäny meän lähättämästä korkkeiman tasan pellaajiita sekä klubi- ja maatiimile, ikämäärätystä seenioorille.
Vi fikk også en olympisk mester i fotball under OL i Sydney i år 2000, Christine Bøe Jensen fra Hammerfest.	Saima kans jalkapallon olympialaisen mestarin Sydneyissä OLin alla vuona 2000, hammerfestilaisen Christine Bøe Jensenin.
Fotballen i Finnmark har i mer enn 100 år vært en viktig arena for å skape et sosialt fellesskap, et trygt oppvekstmiljø og levende lokalsamfunn i hele Finnmark.	Finmarkussa se jalkapallo oon yli 100 vuotta ollu tärkkee areena ette luoja sosiaalista yhtheyttä, turvalista ylöskassuumismiljöötä ja elläävii paikalissamfynniita koko Finmarkussa.
Dette er vitalisert gjennom vårt bolystprosjekt.	Tähän oon annettu elämänvoimaa meän asumahaluprosjektin kautta.
Bolystprosjektet er vår jubileumsgave til våre levende små- og store lokalsamfunn.	Asumahaluprosjekti oon meän jubileumiskenkki meän ellääville pikku- ja isoile paikalissamfynniile.
Gratulerer med 100 år til Finnmark Fotballkrets – og til hele fotballfamilien i Finnmark.	Onnee 100 vuojen kans Finmarkun Jalkapalloyhistyksele – ja koko Finmarkun jalkapalloperheele.